मानवत (प्रतिनिधी)
पोलीस मित्र परिवार समन्वय समिती, परभणी जिल्हा व मराठवाडा विभाग यांच्या वतीने क्रांतीसूर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या १३५ व्या संयुक्त जयंतीनिमित्त मानवत पोलीस स्टेशन येथे शालेय साहित्य वाटप कार्यक्रमाचे आयोजन करण्यात आले.
या कार्यक्रमात इयत्ता पहिली ते चौथीतील विद्यार्थ्यांना वही, पेन यांचे वाटप पोलीस निरीक्षक संदिप बोरकर यांच्या हस्ते करण्यात आले. कार्यक्रमाचे उद्घाटन सहायक उपनिरीक्षक पंतंगे यांच्या हस्ते करण्यात आले.
कार्यक्रमाच्या अध्यक्षस्थानी पोलीस निरीक्षक संदिप बोरकर उपस्थित होते. प्रमुख पाहुणे म्हणून पोलीस कर्मचारी बंकर लटपटे, नरेंद्र कांबळे तसेच इतर कर्मचारी उपस्थित होते.
कार्यक्रमाचे प्रास्ताविक व सूत्रसंचालन महाराष्ट्र राज्य उपाध्यक्षा सौ. रेखाताई मनेरे यांनी केले तर आभार प्रदर्शन पोलीस कर्मचारी जयश्री मुंढे यांनी केले.
यावेळी समितीचे संस्थापक अध्यक्ष डॉ. संघपाल उमरे, मराठवाडा अध्यक्ष शेख अजहर हादगवकर, संघटक अहमद अन्सारी, जिल्हा सचिव शेख इफ्तेखार बेलदार, जिल्हा अध्यक्ष जयश्री पुंडगे यांच्यासह अनेक पदाधिकारी व सदस्य मोठ्या संख्येने उपस्थित होते.
कार्यक्रमादरम्यान पोलीस निरीक्षक संदिप बोरकर यांनी समितीच्या कार्याचे कौतुक करून विद्यार्थ्यांना चॉकलेटचे वाटप केले.
क्रांतीसूर्य महात्मा फुले व डॉ. बाबासाहेब आंबेडकर यांच्या विचारांना अभिवादन करत हा उपक्रम उत्साहात पार पडला.
