जळकोट (प्रतिनिधी) : क्रांतीसूर्य सत्यशोधक Jyotirao Phule यांच्या १९९ व्या जयंतीनिमित्त तसेच भारतरत्न Dr. B. R. Ambedkar यांच्या १३५ व्या जयंतीचे औचित्य साधून जळकोट येथे विविध कार्यक्रमांचे आयोजन करण्यात आले.
या निमित्ताने माजी प्राचार्य तसेच बौद्धाचार्य, केंद्रीय शिक्षक व भारतीय बौद्ध महासभा, लातूर शाखेचे जिल्हाध्यक्ष आणि ‘सारथी महाराष्ट्र’चे जिल्हा प्रतिनिधी डॉ. संजय कलवले यांचा शाल व श्रीफळ देऊन सत्कार करण्यात आला.
तसेच जळकोट नगरपरिषदेच्या प्रथम महिला नगराध्यक्षा सौ. प्रभावती चंद्रकांत कांबळे यांच्या हस्ते त्यांचा विशेष सन्मान करण्यात आला. यावेळी उपस्थित मान्यवरांनी फुले-आंबेडकरांच्या विचारांचा गौरव करत त्यांच्या कार्याला अभिवादन केले.
कार्यक्रमादरम्यान उपस्थितांनी महामानव डॉ. बाबासाहेब आंबेडकर यांच्या जयंतीनिमित्त विनम्र अभिवादन करत समता, शिक्षण आणि सामाजिक न्यायाचा संदेश दिला.
