जळकोट (जि. लातूर) प्रतिनिधी : भारताचे संविधान शिल्पकार Dr. B. R. Ambedkar यांच्या १३५ व्या जयंतीनिमित्त १४ एप्रिल २०२६ रोजी जळकोट शहरात उत्सवाचे वातावरण पाहायला मिळाले. भव्य मिरवणूक आणि मोटारसायकल रॅलीमुळे संपूर्ण शहर ‘भीममय’ झाले होते.
या जयंतीनिमित्त काढण्यात आलेल्या आकर्षक मिरवणुकीत विविध ढोल-ताशांच्या गजरात नागरिकांनी उत्स्फूर्त सहभाग नोंदवला. मोटारसायकल रॅलीने शहरातील प्रमुख मार्गांवरून फेरफटका मारत वातावरण दणाणून टाकले.
कार्यक्रमात सर्व पक्षीय अध्यक्ष व पदाधिकारी, सामाजिक कार्यकर्ते, व्यापारी, विविध संघटनांचे प्रतिनिधी तसेच सर्व समाज व सर्व जातीधर्मातील नागरिक मोठ्या संख्येने सहभागी झाले होते. यामध्ये पत्रकार, शिक्षक, तरुण, वकील, डॉक्टर, अभियंते, माजी सैनिक आणि महिला वर्गाचाही मोठा सहभाग दिसून आला.
दरवर्षीप्रमाणे यंदाही जळकोट शहरात भीम जयंती मोठ्या उत्साहात आणि एकात्मतेच्या वातावरणात साजरी करण्यात आली. या कार्यक्रमाचे आयोजन सर्वजनिक जयंती उत्सव समिती, जळकोट यांच्या वतीने करण्यात आले होते.
