जळकोट (प्रतिनिधी) : जळकोट शहरात भारतरत्न Dr. B. R. Ambedkar यांच्या १३५ व्या जयंतीनिमित्त सर्वजनिक जयंती उत्सव समितीच्या वतीने भव्य आणि उत्साहपूर्ण कार्यक्रमाचे आयोजन करण्यात आले.
या जयंती उत्सवात सर्व पक्षीय पदाधिकारी, अध्यक्ष, सामाजिक कार्यकर्ते, विविध संघटनांचे प्रतिनिधी तसेच सर्व समाज आणि सर्व जातीधर्मातील नागरिक मोठ्या संख्येने सहभागी झाले होते. यामध्ये शिक्षक, अधिकारी, तरुण वर्ग, महिला यांचाही उत्स्फूर्त सहभाग दिसून आला.
कार्यक्रमाच्या निमित्ताने शहरात मोटारसायकल रॅली काढण्यात आली. तसेच काही शाळांतील विद्यार्थ्यांनी नृत्य सादर करून उपस्थितांचे लक्ष वेधले. यावेळी डॉक्टर, वकील, पत्रकार, माजी सैनिक आणि गावातील ज्येष्ठ नागरिकांनीही मोठ्या संख्येने उपस्थित राहून महामानवांना विनम्र अभिवादन केले.
दरवर्षीप्रमाणे यंदाही जळकोट शहरात जयंती उत्सव मोठ्या जल्लोषात साजरा करण्यात आला. या कार्यक्रमाचे आयोजन सर्वजनिक जयंती उत्सव समिती, जळकोट यांच्या वतीने करण्यात आले होते.
