मारेगाव (प्रतिनिधी) : १४ एप्रिलच्या पूर्वतयारीच्या पार्श्वभूमीवर मारेगाव येथे बुद्ध उपासक व उपासिकांच्या पुढाकारातून धम्मराजिका बुद्ध विहारात रक्तदान शिबिराचे आयोजन करण्यात आले. या उपक्रमामुळे परिसरात समाजसेवेचा प्रेरणादायी संदेश देण्यात आला.
जयंतीनिमित्त विविध सामाजिक उपक्रम राबवले जात असताना, बुद्ध उपासकांनी रक्तदान करून मानवतेची सेवा करण्याचा आदर्श निर्माण केला. दरवर्षीप्रमाणे यंदाही १४ एप्रिल हा दिवस मोठ्या उत्साहात साजरा करण्याच्या तयारीत हा उपक्रम विशेष ठरला.
या रक्तदान शिबिरात अनेकांनी उत्स्फूर्त सहभाग नोंदवत रक्तदान केले. “धम्मदान” आणि समाजसेवा यांचा संगम घडवून आणत या उपक्रमाने प्रत्येकाच्या मनात वेगळी छाप निर्माण केली.
मारेगावातील या उपक्रमामुळे सामाजिक बांधिलकी आणि मानवतेचा संदेश अधिक दृढ झाल्याचे मत उपस्थितांकडून व्यक्त करण्यात आले.
