लोणार (प्रतिनिधी) : नागरिकांच्या प्रलंबित समस्यांचा तात्काळ निपटारा करण्यासाठी महसूल विभागाच्या वतीने ‘छत्रपती शिवाजी महाराज महाजस्व समाधान शिबिर’ आयोजित करण्यात आले असून, या शिबिरातून एका छताखाली विविध शासकीय सेवांचा लाभ देण्यात येणार आहे.
या शिबिरात फेरफार अदालत, सातबारा दुरुस्ती, पीएम किसान योजना, हार्नलँड शेडिंग, नवीन रेशन कार्ड व वाटप, विभक्तीकरण, लाडकी बहीण योजना केवायसी तसेच आरोग्य विभागामार्फत आभा कार्ड वाटप अशा विविध सेवांचा समावेश करण्यात आला आहे.
अंजनी खुर्द महसूल मंडळातील नागरिकांसाठी आयोजित या शिबिरात उपविभागीय अधिकारी रवींद्र जोगी (मेहकर), तहसीलदार भूषण पाटील (लोणार) आणि मंडळ अधिकारी सुहान जोशी (अंजनी खुर्द) यांची उपस्थिती राहणार आहे.
अंजनी खुर्द, खळेगाव, चिकना, शिवणी पिसा, राजनी, धानोरा, गुंजापूर, कारेगाव, सोमठाणा, शिंदी, ब्राह्मण चिकना, खापरखेडा, तांबोळा, मातमळ आदी गावांतील शेतकरी, विद्यार्थी, महिला व सर्वसामान्य नागरिकांनी या शिबिराचा लाभ घ्यावा, असे आवाहन प्रशासनाच्या वतीने करण्यात आले आहे.
या उपक्रमामुळे नागरिकांना विविध शासकीय सेवांसाठी वेगवेगळ्या कार्यालयांत जाण्याची गरज भासणार नाही, तसेच त्यांच्या अडचणींचा जागेवरच निपटारा होणार असल्याने शिबिराला मोठा प्रतिसाद मिळण्याची अपेक्षा व्यक्त केली जात आहे.
