दरेगाव (प्रतिनिधी) : महामानव Dr. B. R. Ambedkar यांच्या १३५ व्या जयंतीनिमित्त दरेगाव येथे शाहीर पांडुरंग जाधव व त्यांच्या पथकाच्या वतीने भीम गीतांचा दणदणीत कार्यक्रम उत्साहात पार पडला.
१४ एप्रिल २०२६ रोजी रात्री साडेनऊ वाजता आयोजित या कार्यक्रमाची सुरुवात भीम गीतांनी करण्यात आली. कार्यक्रमाच्या अध्यक्षस्थानी ग्रामपंचायत सरपंच पती रवी मंते होते. यावेळी उपसरपंच प्रकाश भाऊ काळे, माजी सैनिक प्रकाश भाऊ काळुसे, रवी चाटे सर, प्रभू कांदे, परविन भाऊ गीते, डॉ. सुनील कायंदे यांच्यासह अनेक मान्यवरांची उपस्थिती लाभली.
गावकऱ्यांच्या वतीने आलेल्या पाहुण्यांचे स्वागत करण्यात आले. यामध्ये प्रकाश काळुसे, ज्ञानेश्वर बंगाळे, दिलीप भंगाळे, नितीन साबळे, आर्मी मॅन सचिन साबळे आदींनी हार अर्पण करून सन्मान केला. कार्यक्रमाला समाजकल्याण अधिकारी दीपक भाऊ मांडे यांचीही प्रमुख उपस्थिती होती.
शाहीर पांडुरंग जाधव यांच्या प्रभावी सादरीकरणाने उपस्थितांना भारावून टाकले. बहारदार आणि जोशपूर्ण वातावरणात गावकऱ्यांनी कार्यक्रमाचा मनमुराद आनंद घेतला.
कार्यक्रम यशस्वी करण्यासाठी भारत साबळे, ईश्वर साबळे, मनोहर मिस्त्री, राहुल साबळे, शेषराव साबळे आदींनी अथक परिश्रम घेतले. या उत्साही वातावरणात कार्यक्रम यशस्वीरित्या संपन्न झाला.
