उदगीर (लातूर) प्रतिनिधी :
अखिल भारतीय मराठी पत्रकार परिषदेचे 44 वे राष्ट्रीय अधिवेशन येत्या 18 एप्रिल 2026 रोजी उदगीर येथे पार पडणार आहे. हे अधिवेशन स्वामी विवेकानंद संकुल येथे आयोजित करण्यात आले आहे.
या अधिवेशनासाठी महाराष्ट्राचे उपमुख्यमंत्री Eknath Shinde यांची विशेष उपस्थिती लाभणार असून त्यांच्या हस्ते कार्यक्रम पार पडणार आहे.
या महत्त्वपूर्ण अधिवेशनात राज्यभरातील पत्रकार मोठ्या संख्येने सहभागी होणार असल्याची अपेक्षा व्यक्त केली जात आहे. पत्रकारिता क्षेत्रातील विविध विषयांवर चर्चा, मार्गदर्शन आणि विचारमंथन या अधिवेशनात होणार आहे.
उदगीर तालुका मराठी पत्रकार परिषद व डिजिटल मीडिया परिषद, लातूर यांच्या वतीने सर्व पत्रकार बंधू-भगिनींनी या अधिवेशनाला आवर्जून उपस्थित राहावे, असे आवाहन करण्यात आले आहे.
