ओम साई प्रतिष्ठान या संस्थेला आदर्श सामाजिक संस्था म्हणून एडी फाउंडेशन महाराष्ट्र राज्य यांच्याकडून गौरवण्यात आले
पुणे येथे सावित्रीबाई फुले सभागृह स्वारगेट दिनांक 11/ 4/ 2026 रोजी थोर समाजसेवक क्रांतीसुर्य महात्मा ज्योतिबा फुले यांच्या जयंतीचे औपचारिक साधून भारताचे माजी राष्ट्रपती ए.पी. जे. अब्दुल कलाम आदर्श सामाजिक संस्था पुरस्कार ओम साई प्रतिष्ठानला गौरवण्यात आला
यावेळी कार्यक्रमाचे अध्यक्ष डॉक्टर सचिन मोठे साहेब (आयकर आयुक्त पुणे) व कार्यक्रमाचे प्रमुख पाहुणे श्री राम मांडुरके साहेब (पोलीस आयुक्त पुणे) व संस्थेचे अध्यक्ष अशोक गोरड व इतर मंडळी यांच्या हस्ते पुरस्कार देण्यात आला
ओम साई प्रतिष्ठान गेल्या अनेक वर्षांपासून समाजहिताचे विविध उपक्रम राबवत आहे. आरोग्य शिबिरे, गरजूंसाठी वैद्यकीय साहित्य वाटप, शिक्षणासाठी मदत, तसेच वृक्षारोपण ज्येष्ठ नागरिकांना मार्गदर्शन रक्तदान शिबिर विविध सामाजिक प्रश्नांवर जनजागृती अशा अनेक उपक्रमांमुळे संस्थेने समाजात आपली वेगळी ओळख निर्माण केली आहे.
यावेळी ओम साई प्रतिष्ठानचे संस्थापक समाधान माने बोलताना म्हणाले की पुरस्कारामुळे संस्थेच्या कार्यकर्त्यांचा उत्साह असून भविष्यातही अधिक जोमाने समाजसेवा करण्याचा निर्धार व्यक्त करण्यात आला आहे. संस्थेचे पदाधिकारी व सदस्य यांचे सर्व स्तरातून अभिनंदन होत आहे.
यावेळी संस्थेच्या वतीने सर्व सहकार्य करणाऱ्या दाते, कार्यकर्ते व नागरिकांचे आभार मानण्यात आले.
