वर्धा ( प्रतिनिधी ) :
चंद्रपूर रेल्वे स्थानक परिसरातून चोरीस गेलेली ऍक्टिवा 4G मोपेड सीसीटीव्ही फुटेजच्या आधारे शोधून काढण्यात रेल्वे पोलिसांना यश आले असून आरोपीला अटक करण्यात आली आहे.
याबाबत मिळालेल्या माहितीनुसार, फिर्यादी इंदुबाई विनोदकुमार कबाडे (वय 30, रा. चंद्रपूर) यांनी रेल्वे स्थानक चंद्रपूर येथे आपली दुचाकी (क्रमांक MH 34 BL 1369) उभी करून बुकिंग ऑफिसमध्ये गेल्या असता अज्ञात व्यक्तीने ती चोरी करून नेली. या प्रकरणी Railway Police Station Wardha येथे अप. क्र. 68/26 अन्वये कलम 303(2) बीएनएस अंतर्गत 8 एप्रिल 2026 रोजी गुन्हा दाखल करण्यात आला.
तपासादरम्यान पोलिसांनी सीसीटीव्ही फुटेज तपासून संशयित आरोपीचा माग काढला. गुप्त बातमीदारांच्या मदतीने आरोपी नरेश समाधान भांगे (वय 42, रा. अमरावती) याला ताब्यात घेण्यात आले. त्याच्याकडून चोरीस गेलेली सुमारे 90 हजार रुपये किमतीची ऍक्टिवा मोपेड जप्त करण्यात आली आहे.
ही कारवाई Mangesh Shinde, दत्ताराम राठोड (अपर पोलीस अधीक्षक), पांडुरंग सोनवणे (उपविभागीय पोलीस अधिकारी) यांच्या मार्गदर्शनाखाली करण्यात आली. तसेच सपोनि पंकज ढोके (प्रभारी अधिकारी), पो. उपनि. अंगद कोतवाड व इतर पोलिस कर्मचाऱ्यांनी या कारवाईत सहभाग घेतला.
सदर प्रकरणाचा पुढील तपास सुरू असून या कामगिरीबद्दल पोलिसांचे कौतुक करण्यात येत आहे.
