पुरंदर (प्रतिनिधी) :
सासवड येथील डॉ. बाबासाहेब आंबेडकर उद्यान येथे Dr. B. R. Ambedkar यांच्या १३५ व्या जयंतीनिमित्त भव्य कार्यक्रमाचे आयोजन करण्यात आले. पुरंदर तालुका बहुजन महापुरुष संयुक्त जयंती महोत्सव समितीच्या वतीने दिवसभर विविध उपक्रम राबविण्यात आले.
यावेळी डॉ. बाबासाहेब आंबेडकर यांच्या अर्धपुतळ्यास मान्यवरांनी पुष्पहार अर्पण करून अभिवादन केले. अॅड. सुनील धिवार यांच्या अध्यक्षतेखाली झालेल्या प्रबोधन सभेला माजी आमदार संजय जगताप, माजी जिल्हा परिषद अध्यक्ष विजय कोलते, हरिभाऊ लोळे, संदीप भाऊ फडतरे, अॅड. दिलीप निरगुडे आदी मान्यवर उपस्थित होते.
गुरुकुल अकॅडमीच्या विद्यार्थ्यांनी महापुरुषांच्या वेशभूषा सादर करून उपस्थितांची मने जिंकली. आपल्या भाषणात संजय जगताप यांनी लवकरच सभागृह उभारणी व पूर्णाकृती पुतळ्यासाठी प्रयत्न केले जातील, असे सांगितले.
या कार्यक्रमात विविध क्षेत्रांमध्ये उल्लेखनीय कार्य करणाऱ्या आनंदराव घोरपडे, सी. एम. यादव, शैलेश धिवार, विजय कांबळे, अविनाश जगताप, आबासाहेब वाघमारे, भाऊसौ सोनवणे आदींना पुरस्कार देऊन सन्मानित करण्यात आले.
कार्यक्रमाला नगरसेवक बंडू राऊत, माऊली गिरमे, बाळासाहेब भिंताडे, अभिजित जगताप, डॉ. संजय रावळ, डॉ. सुरेश कोडीतकर, सीमा साळवे, संदीप टिळेकर, शोभा जमदाडे, संजीवनी गायकवाड यांच्यासह अनेक मान्यवर व नागरिक मोठ्या संख्येने उपस्थित होते.
कार्यक्रमाचे यशस्वी आयोजन सुनील धिवार, सोपान रणपिसे, राहुल गायकवाड, कैलास धिवार, बळीराम सोनवणे, सुहास बेंगळे, डॉ. विनायक गायकवाड, सुनील जगताप, सचिन कांबळे आदी कार्यकर्त्यांनी केले.
