पत्रकार कैलासराजे घरत
खारपाडा पेण
श्री पांडुरंगाच्या कृपा प्रसादाने श्वा.सू.नी, गुरुवर्य वामन बाबा वैकुंठवासी गुरुवर्य आप्पा माऊली व वैकुंठवासी वासुदेव महाराज डोंबिवली यांच्या कृपाशीर्वादाने श्री ग्रंथराज ज्ञानेश्वरीचे सामुदायिक पारायण, किर्तन, भजन, हरिपाठ, प्रवचन इत्यादी कार्यक्रमाचे
चैत्र कृ.९ शनिवार दिनांक ११/४/२०२६ ते चैत्र कृ.१२ मंगलवार दिनांक १४/४/२०२६ पर्यंत श्री स्वयंभू शिवमंदिर खारपाडा(ठाकूरपाडा) येथे अखंड हरिनाम सप्ताहाचे आयोजन करण्यात आले होते. हा सप्ताह खारपाडा, दुष्मी, ठाकूरपाडा परिसर ता.पेण येथे आयोजित करण्यात आला होता. या सप्ताहामध्ये दैनंदिन कार्यक्रम पहाटे ४ ते ६ काकडा आरती सकाळी ८ ते ११ ज्ञानेश्वरी वाचन, सकाळी ११ ते १२.३० श्री संत तुकाराम गाथा भजन दुपारी २ ते ४ ज्ञानेश्वरी वाचन, सायंकाळी ५ ते ६ प्रवचन सायंकाळी ६ ते ७ हरिपाठ, रात्री ७ ते ९ श्री हरिकीर्तन, रात्री ११ नंतर जागर भजन अशा
प्रकारे कार्यक्रमाचे आयोजन करण्यात आले होते. कार्यक्रमाचे दिनदर्शिका शनिवार दिनांक ११/४/२०२६ रोजी संध्याकाळी ४ ते ५ या वेळेत हभप पायल दिदी महाराज,दादर यांचे प्रवचन, संध्याकाळी ५ ते ६ सार्वजनिक हरिपाठ संध्याकाळी ७ ते ९ हरिकीर्तन हभप लालचंद्र महाराज राजे तळोजा मजकूर, स्वयंभू भजन मंडळ:गायक श्री नरेश घरत, चंद्रकांत ठाकूर, मृदुंगसाथ: जगन्नाथ देसले, जनार्दन ठाकूर, खारपाडा, ठाकूरपाडा, रविवार दिनांक १२/४/२०२६ रोजी सायंकाळी ४ ते ५ हभप विलास गावंड महाराज केळवणे यांचे प्रवचन, संध्याकाळी ५ ते ६ सार्वजनिक हरिपाठ, संध्याकाळी ७ ते ९ हभप एकनाथ महाराज पाटील नवी मुंबई यांचे हरिकीर्तन, रात्री जागर भजन:जय भवानी भजन मंडळ दुष्मी, गायक:अनिल पाटेकर, कृष्णा देसले मृदुंगसाथ: रवी देसले, सोमवार दिनांक १३/४/२०२६ रोजी दिंडी सोहळ्यासोबत सार्वजनिक हरिपाठ, संध्याकाळी ७ ते ९ हभप ज्ञानेश्वरी निवृत्ती पाटील बळवली यांचे हरिकीर्तन, रात्री जागर भजन:जय भवानी भजन मंडळ दुष्मी, गायक: दिलीप खरिवले, कमलाकर
ठाकूर मृदंगसाथ: रवींद्र देसले, मंगलवार दिनांक १४/०४/२०२६ रोजी सकाळी १० ते १२ वाजता हभप महेश महाराज साळुंखे पाटनोली पनवेल यांचे काल्याचे किर्तन झाले. या हरिनाम सप्ताहासाठी जनार्दन देसले दुष्मी, राजाराम पाटील खारपाडा, राजाराम ठाकूर ठाकूरपाडा, अनिल घरत खारपाडा यांनी अन्नदान केले. हर्षद ठाकूर ठाकूरपाडा, हभप नारायण पाटील खारपाडा यांच्याकडून एकादशी फराळ देण्यात आला. काल्याच्या महाप्रसादाचे अन्नदान ॲड महेश देसले, हिरामण गोविंद घरत, सागर दिलीप पाटील यांनी केले. या सप्ताहाचे व्यवस्थापन हभप नारायण मंगळ्या पाटील, हभप गणपत बुधाजी पाटील, श्री अनिल रामचंद्र घरत, राजाराम बाळकृष्ण पाटील, शशिकांत ठाकूर, गोपीनाथ ठाकूर, हभप काशिनाथ महादेव पाटील, प्रवीण जोमा ठाकूर, हभप महेंद्र वासुदेव घरत, निवृत्ती कृष्णा पाटील, हर्षद ठाकूर यांनी केले होते. अनेक दानशूर भाविक भक्तांकडून जिलेबी, लाडू, बुंदी, ताक वाटप करण्यात आले. या कार्यक्रमासाठी स्पीकर व्यवस्था गुरुदास तांडेल कासारभट यांनी केली होती. महिला बचत गटाकडून भाकरी देण्यात आल्या. ग्रामस्थांनी वस्तू आणि देणगीच्या स्वरूपात मदत केली. हा कार्यक्रम यशस्वी रीतीने पार पाडण्यासाठी पंचक्रोशी वारकरी संप्रदाय आणि खारपाडा दुष्मी ठाकूरपाडा युवा वर्ग, ग्रामस्थ बंधू भगिनी यांचे मोलाचे योगदान लाभले. पत्रकार कैलासराजे घरत यांनी आपल्या कुटुंबियांसोबत या कार्यक्रमाला उपस्थिती लावली. सर्वांच्या सहकार्याने हा हरिनाम सप्ताह उत्साहात आणि भक्तिमय वातावरणात संपन्न झाला.
