बुलढाणा (मेहकर तालुका) – आयुष्यमान आरोग्य वंदिनी दिन तसेच भारतरत्न डॉ. बाबासाहेब आंबेडकर यांच्या 135 व्या जयंतीनिमित्त शेलगाव देशमुख येथे 30 वर्षांवरील नागरिकांसाठी एनसीडी (असंसर्गजन्य आजार) तपासणी शिबिराचे आयोजन करण्यात आले.
या आरोग्य शिबिरात शेलगाव ग्रामीण रुग्णालय (पीएचसी) येथील डॉ. असीम आप्पा यांच्या मार्गदर्शनाखाली वैद्यकीय तपासणी करण्यात आली. यामध्ये सेविका पल्लवी प्रधान, वर्षा सदार तसेच आरोग्य सेवक विजय देशपांडे, सुलोचना गाडेकर आणि इतर आरोग्य कर्मचाऱ्यांनी सक्रिय सहभाग नोंदवला.
कार्यक्रमासाठी शीलवंत बोधवाडा येथे वैद्यकीय पथक उपस्थित होते. या कार्यक्रमाचे अध्यक्ष दयाघन किसन सदार, उपाध्यक्ष गजानन कुंडलिक सदार तर प्रमुख पाहुणे म्हणून संजय विक्रम उपस्थित होते.
गावातील मोठ्या संख्येने नागरिकांनी उपस्थित राहून आरोग्य तपासणीचा लाभ घेतला. कार्यक्रम उत्साहपूर्ण वातावरणात पार पडला.
