भूम – तालुक्यातील तहसील कार्यालयातील कारभारावर प्रश्नचिन्ह निर्माण करणारी घटना समोर आली आहे. आज (दि. 16) सकाळी सुमारे 11 वाजता पुरवठा विभागात आमचे प्रतिनिधी भेट देण्यासाठी गेले असता, त्या ठिकाणी एकही कर्मचारी उपस्थित नसल्याचे आढळून आले.
याबाबत निवासी नायब तहसीलदार यांच्याकडे विचारणा केली असता, “याबाबत मला माहिती नाही,” असे उत्तर देण्यात आले. या उत्तरामुळे कार्यालयातील कर्मचाऱ्यांच्या उपस्थितीबाबत प्रशासनाची उदासीनता स्पष्ट होत असल्याची चर्चा सुरू आहे.
नागरिकांची कामे रखडत असताना संबंधित विभागात कर्मचारी अनुपस्थित राहणे ही गंभीर बाब असून, वरिष्ठ अधिकाऱ्यांनी याकडे लक्ष देण्याची गरज व्यक्त केली जात आहे.
