सिंधुदुर्ग – कोकण विभागीय ‘नारी शक्ती वंदन अधिनियम’ महिला संमेलन येत्या १८ एप्रिल रोजी सिंधुदुर्ग जिल्ह्यात आयोजित करण्यात येणार आहे. या पार्श्वभूमीवर संमेलनाच्या नियोजनासाठी भाजपा जिल्हा कार्यालयात महत्त्वपूर्ण बैठक पार पडली.
या बैठकीस जिल्हाध्यक्ष श्री. प्रभाकर सावंत, महिला जिल्हाध्यक्ष सौ. श्वेता कोरगावकर, सौ. संध्या तेरसे, जिल्हा परिषद अध्यक्ष श्री. प्रमोद कामत, युवा प्रदेश उपाध्यक्ष श्री. लखन राजे भोसले तसेच डॉ. मंजुषा कुद्रीमूर्ती यांची प्रमुख उपस्थिती होती.
तसेच सर्व महिला मंडळ अध्यक्षा, जिल्हा परिषद सदस्य व पक्षाचे इतर पदाधिकारी मोठ्या संख्येने उपस्थित होते. बैठकीत संमेलनाच्या यशस्वी आयोजनासाठी विविध बाबींवर सविस्तर चर्चा करण्यात आली.
