जत / प्रतिनिधी :
जत तालुक्यातील मार्केट यार्ड परिसरात सुरू असलेल्या लिंगायत समाजाच्या उपोषण आंदोलनास स्थानिक व्यापाऱ्यांनी पाठिंबा दर्शविला आहे. याबाबत मार्केट यार्ड व्यापारी संघटनेच्या वतीने संबंधित प्रशासनाला निवेदन देण्यात आले आहे.
निवेदनात म्हटले आहे की, लिंगायत समाजाच्या विविध प्रलंबित मागण्यांसाठी हे आंदोलन सुरू असून त्या मागण्या रास्त व योग्य आहेत. समाजाच्या हक्कांसाठी सुरू असलेल्या या उपोषणाला व्यापाऱ्यांचा पूर्ण पाठिंबा असून प्रशासनाने या मागण्यांची तात्काळ दखल घेऊन योग्य तो निर्णय घ्यावा, अशी मागणी करण्यात आली आहे.
तसेच, या आंदोलनाच्या माध्यमातून समाजाच्या प्रश्नांची सोडवणूक व्हावी यासाठी शासनाने सकारात्मक भूमिका घ्यावी, अन्यथा आंदोलन अधिक तीव्र होण्याची शक्यता व्यक्त करण्यात आली आहे. व्यापारी संघटनेने आवश्यकतेनुसार आंदोलनात प्रशांत माळी, तम्माना मिरजे, शहाजी भोसले, सागर पडोळकर, व इतरांनी ही सक्रिय सहभाग घेण्याची तयारीही दर्शविली आहे.
