जत / प्रतिनिधी :
जत पंचायत समितीच्या नवीन प्रशासकीय इमारतीच्या बांधकामाचा भूमिपूजन समारंभ शनिवारी (दि. १८ एप्रिल २०२६) सकाळी १० वाजता उत्साहात पार पडणार आहे. हा कार्यक्रम आर. आर. कॉलेज रोड, पंचायत समिती गेस्ट हाऊस समोर, जत येथे आयोजित करण्यात आला आहे.
या समारंभाला महाराष्ट्र राज्याचे ग्रामविकास व पंचायत राज मंत्री मा. ना. श्री जयकुमार गोरे हे प्रमुख पाहुणे म्हणून उपस्थित राहणार असून, जत विधानसभा मतदारसंघाचे आमदार मा. श्री गोपीचंद पडळकर कार्यक्रमाचे अध्यक्षस्थान भूषवणार आहेत.
तसेच माजी मंत्री मा. सदाभाऊ खोत हे प्रमुख उपस्थिती म्हणून सहभागी होणार आहेत.
यावेळी जिल्हा परिषद सदस्य, पंचायत समिती सदस्य, नगरपरिषद पदाधिकारी तसेच विविध विभागांचे अधिकारी मोठ्या संख्येने उपस्थित राहणार आहेत. नव्या प्रशासकीय इमारतीमुळे पंचायत समितीच्या कामकाजाला गती मिळणार असून नागरिकांना अधिक सोयीसुविधा उपलब्ध होणार आहेत.
या कार्यक्रमास परिसरातील नागरिकांनी मोठ्या संख्येने उपस्थित राहण्याचे आवाहन आयोजकांच्या वतीने करण्यात आले आहे.
