सारथी न्यूजसाठी प्रतिनिधी चेतन बागुल खमताणे
थोर समाजसुधारक महात्मा ज्योतिबा फुले यांची जयंती मुंजवाड येथे महात्मा मोठ्या उत्साहात साजरी झाली. मात्र, केवळ उत्सव साजरा करून न थांबता, सामाजिक बांधिलकी जपत हरी आण्णा मित्र मंडळ मुंजवाड आणि सटाणा कृषी उत्पन्न बाजार समितीचे उपसभापती हरी आण्णा जाधव यांच्यामार्गदर्शनाखाली एक कौतुकास्पद निर्णय घेण्यात आला आहे.महात्मा ज्योतिबा फुले यांच्या उत्सवातून समाजसेवेकडे वाटचाल
२०२६ ची महात्मा ज्योतिबा फुले जयंती मुंजवाड येथे अतिशय आनंदात आणि उत्स्फूर्त वातावरणात पार पडली. या जयंती उत्सवानंतर समितीकडे काही निधी शिल्लक राहिला होता. हा निधी वैयक्तिक कामासाठी न वापरता किंवा इतरत्र खर्च न करता, गावातीलच एका धार्मिक कार्यासाठी देण्याचा उदात्त निर्णय महात्मा फुले जयंती उत्सव समितीने घेतला.महालक्ष्मी मंदिर प्राणप्रतिष्ठेसाठी योगदान
मुंजवाड येथील चिंचखोरी, सावता नगर भागात ‘कार्यसिद्धी महालक्ष्मी मंदिर’ साकारले जात आहे. या मंदिराच्या भव्य प्राणप्रतिष्ठा सोहळ्याचे आयोजन करण्यात आले असून, त्या निमित्ताने होणाऱ्या महाप्रसादासाठी जयंती समितीचा हा शिल्लक निधी सुपूर्द करण्यात आला. प्रमुख उपस्थिती
हा निधी सुपूर्द करताना सटाणा कृषी उत्पन्न बाजार समितीचे उपसभापती हरी आण्णा जाधव यांच्यासह जयंती उत्सव समितीचे सर्व पदाधिकारी आणि गावातील प्रतिष्ठित नागरिक मोठ्या संख्येने उपस्थित होते.महात्मा फुलेंनी आयुष्यभर समाजसेवा आणि समतेचा संदेश दिला. त्यांच्या जयंतीनिमित्त जमा झालेला निधी गावातील सार्वजनिक आणि धार्मिक कार्यात वापरणे, हीच त्यांना खरी श्रद्धांजली ठरेल,असे मत हरि आण्णा जाधव व उपस्थितांनी व्यक्त केले.
गावकऱ्यांकडून कौतुक जयंती समितीच्या या निर्णयामुळे मुंजवाड परिसरात आनंदाचे वातावरण असून, धार्मिक कार्यात हातभार लावल्याबद्दल सावता नगर आणि चिंचखोरी भागातील नागरिकांनी हरी आण्णा मित्र मंडळ व उत्सव समितीचे मनापासून आभार मानले आहेत.
