शहादा,दि.१८
येथील पूज्य साने गुरुजी विद्या प्रसारक मंडळ संचलित के.व्ही. पटेल कृषी महाविद्यालयाचा वार्षिक पारितोषिक वितरण समारंभ शनिवार, दिनांक १८ एप्रिल रोजी सकाळी उत्साहात संपन्न झाला. महाविद्यालयाच्या सभागृहात आयोजित करण्यात आलेल्या या कार्यक्रमाच्या अध्यक्षस्थानी मंडळाचे अध्यक्ष बापूसाहेब दीपकभाई पाटील हे होते.
या प्रसंगी मंडळाचे उपाध्यक्ष जगदीशभाई पाटील, महाविद्यालयाचे देणगीदाते दिलीपभाई पटेल, मगनभाई पटेल, विनोदभाई पटेल यांच्यासह महाबीजच्या अधिकारी मोहिनी जाधव व महाविद्यालयाचे माजी विद्यार्थी राहुल देशमुख (नाशिक) यांची प्रमुख उपस्थिती होती.मान्यवरांच्या हस्ते शैक्षणिक वर्षात विविध परीक्षा तसेच विविध स्पर्धांमध्ये यशस्वी झालेल्या गुणवंत विद्यार्थ्यांना पारितोषिक, प्रमाणपत्र आणि सन्मानचिन्ह देऊन गौरविण्यात आले.यावेळी विद्यार्थ्यांना मार्गदर्शन करताना महाबीजच्या अधिकारी मोहिनी जाधव यांनी महाराष्ट्र शासनाच्या महाबीज या प्रकल्पाविषयी सविस्तर माहिती दिली. कृषी क्षेत्रात करिअरच्या अनेक महत्त्वाच्या संधी उपलब्ध असल्याचे सांगून त्या म्हणाल्या की, स्पर्धा परीक्षेच्या माध्यमातून विद्यार्थ्यांनी आपले भविष्य घडवावे. अनेकदा पहिल्या प्रयत्नात अपयश येण्याची शक्यता असते. मात्र अशा अपयशाने खचून न जाता विद्यार्थ्यांनी आपले प्रयत्न सातत्याने सुरू ठेवावेत.कार्यक्रमाचे प्रमुख अतिथी आणि नाशिक येथील द्राक्ष बागायतदार शेतकरी असलेले माजी विद्यार्थी राहुल देशमुख यांनी आपले अनुभव कथन केले. कृषी क्षेत्रातील विद्यार्थ्यांनी आपल्या ज्ञानाचा उपयोग फक्त नोकरी मिळवण्यासाठी न करता शेतीचा दर्जा सुधारण्यासाठी आणि सिंचन वाढीसाठी करावा, असे आवाहन त्यांनी केले.
शेतकरी जगला तरच देश जगेल हे सूत्र विद्यार्थ्यांनी सदैव डोळ्यासमोर ठेवावे, असेही त्यांनी आवर्जून सांगितले.याप्रसंगी अध्यक्ष बापूसाहेब दीपकभाई पाटील आणि उपाध्यक्ष जगदीश पाटील यांनी यशस्वी विद्यार्थ्यांचे अभिनंदन करून त्यांच्या भावी वाटचालीस शुभेच्छा दिल्या. कार्यक्रमाचे स्वागत आणि प्रास्ताविक महाविद्यालयाचे प्राचार्य डॉ. प्रकाश पटेल यांनी केले, तर महाविद्यालयाचा वार्षिक अहवाल विद्यार्थी प्रतिनिधी कुमारी वैष्णवी पाटील हिने वाचून दाखविला.
सदर कार्यक्रमाचे सूत्रसंचालन प्रा. चंद्रशेखर सुतार यांनी केले आणि आभार डॉ. भरत चौधरी यांनी मानले. हा कार्यक्रम यशस्वी करण्यासाठी प्रा. डॉ. सचिन चौधरी, डॉ. हेमंत पाटील, प्रा.भगवान पाटील, प्रा.विजय सकपाळ, प्रा. विजय गावंडे, डॉ. महिमा गावित,प्रा. संदीप पाटील, प्रा.पंकज पेंढारकर, प्रा. प्रशांत चंदिले, प्रा. मुकेश कोळी, प्रा. दिलीप सूर्यवंशी, प्रा.मयूर चौधरी, प्रा. कृणाल पाटील यांच्यासह कार्यालय अधीक्षक एकनाथ पाटील, महेंद्र पाटील, रमाकांत पाटील आदींनी विशेष सहकार्य केले.
