एरंडोलला शिवसेनेने दिग्गजांना दिली पक्षीय जबाबदारी…
एरंडोल प्रतिनिधी / तुषार शिंपी
पारोळा येथे मतदार याद्यांचे विशेष सखोल पुनरावलोकन कार्यक्रम अंतर्गत बी एल ए प्रतिनिधींची आढावा बैठक व शिवसेनेचा विधानसभा मेळावा काल पारोळा येथील विजया लॉन्स ला संपन्न झाला. केंद्रीय निवडणूक आयोगाच्या वतीने राबविल्या जाणाऱ्या या कार्यक्रमाची शिवसेनेच्या कार्यकर्त्यांना सखोल माहिती मिळावी यासाठी आमदार ॲड.अमोलदादा पाटील यांच्या प्रमुख मार्गदर्शनात या मेळाव्याचे आयोजन करण्यात आले. याप्रसंगी शिवसेनेने नव्याने पक्षात आलेल्या प्रमुख पदाधिकारी व लोकप्रतिनिधींना संघटनेची जबाबदारी दिली. यात प्रामुख्याने खडके येथील जगदीश पाटील यांची शिवसेना जिल्हा समन्वयक पदी, जावेद मुजावर यांची शिवसेना अल्पसंख्यांक आघाडीच्या उपजिल्हाप्रमुख पदी, माजी नगरसेवक अभिजीत पाटील यांची शिवसेनेच्या उपजिल्हा समन्वयक पदी, एरंडोल येथील अतुल महाजन यांची शिवसेना ओबीसी सेलच्या तालुकाप्रमुख पदी, ॲड. अहमद सय्यद यांची शिवसेना अल्पसंख्यांक आघाडी तालुकाप्रमुख पदी, माजी उपनगराध्यक्ष कुणाल महाजन यांची शिवसेना तालुका समन्वयक पदी, मोहन सैंदाणे यांची युवासेना उपतालुकाप्रमुख पदी, नगरसेवक अनिल महाजन यांची शिवसेना ओबीसी सेलच्या शहरप्रमुख पदी, अल्ताफ खान यांची शिवसेना अल्पसंख्यांक आघाडी शहर प्रमुख पदी नियुक्ती करण्यात आली.
यावेळी सर्व नवनियुक्त पदाधिकाऱ्यांचे आमदार ॲड.अमोलदादा पाटील यांनी सत्कार करून अभिनंदन केले. तसेच दिलेल्या जबाबदारीच्या माध्यमातून पक्ष बळकटीसाठी प्रयत्न करण्याचे आवाहन केले. याप्रसंगी शिवसेनेचे जिल्हाप्रमुख वासुदेव पाटील, युवासेनेचे जिल्हाप्रमुख प्रा.मनोज पाटील, माजी जि प उपाध्यक्ष ज्ञानेश्वर आमले, कृ उ बा चे माजी सभापती शालिग्राम गायकवाड, शिवसेना ओबीसी सेलचे जिल्हाप्रमुख रुपेश माळी, तालुकाप्रमुख रवींद्र जाधव, विधानसभा क्षेत्रप्रमुख सुदाम राक्षे, युवासेनेचे माजी तालुकाप्रमुख बबलू पाटील, युवासेनेचे तालुकाप्रमुख कमलेश पाटील, शिवसेनेचे शहरप्रमुख बबलू चौधरी , गांधीपुरा शहरप्रमुख अतुल मराठे, नगरसेवक एन डी पाटील, युवासेना शहरप्रमुख नगरसेवक कृष्णा ओतारी, शिवसेना शहर संघटक नगरसेवक मयूर महाजन, नगरसेवक अमोल तांबोळी नगरसेवक रवींद्र महाजन, नगरसेविका कल्पनाताई पाटील, नगरसेविका सत्यभामा पाटील, गोपाल पाटील, महेश देवरे, परेश बिर्ला, अल्ताफ खान, असलम खान, विठ्ठल आंधळे, चिंतामण पाटील यांच्यासह प्रमुख पदाधिकारी उपस्थित होते.
