📰 सावदा स्टेशन येथे डॉ. बाबासाहेब आंबेडकर यांची 135 वी जयंती उत्साहात साजरी

सावदा स्टेशन : सावदा स्टेशन परिसरात डॉ. बाबासाहेब आंबेडकर यांची 135 वी जयंती मोठ्या उत्साहात व धुमधडाक्यात साजरी करण्यात आली. उत्सव समितीच्या वतीने विविध सामाजिक व सांस्कृतिक कार्यक्रमांचे आयोजन करण्यात आले होते.

जयंतीनिमित्त आयोजित कार्यक्रमांमध्ये स्पर्धा, सांस्कृतिक उपक्रम आणि समाजप्रबोधनपर कार्यक्रमांचा समावेश होता. बाबासाहेबांच्या विचारांचा वारसा जपत शिक्षणाचा संदेश देण्यात आला. नागरिकांनी भक्तिभावाने सहभागी होत जयंती उत्सव साजरा केला.

यावेळी गाते बुद्ध विहार येथून निघालेली भव्य मिरवणूक सावदा स्टेशन येथील डॉ. बाबासाहेब आंबेडकर स्मारक येथे जाऊन विसर्जित करण्यात आली.

या कार्यक्रमाचे अध्यक्षस्थान जगदीश बाविस्कर यांनी भूषवले. उपाध्यक्ष म्हणून योगेश साळवे, अमोल चेक्रे, धीरज झाल्टे, विद्यारत्न तायडे, मनोज वाघ, भूषण मेढे, उमेश मोरे आदींचा समावेश होता.

कार्यक्रमास मोठ्या संख्येने नागरिक उपस्थित होते.