भडगाव तालुका प्रतिनिधी विलास पाटील…. भडगाव तालुक्यातील कजगाव शिवारात सकाळी नऊ ते दहा वाजण्याच्या सुमारास भीषण आग लागून शेतकऱ्याचे मोठ्या प्रमाणात नुकसान झाले कजगाव येथील शेतकरी रवींद्र राजाराम साठे व गणेश साठे यांचे जवळपास पाच एकर क्षेत्रातील उभा असलेला मका जळून खाक झाला
भीषण आगीमुळे काही वेळातच संपूर्ण मका जळून खाक झाला यात आगीमुळे शेतकऱ्याचे मक्यासह ठिबक सिंचन संच पूर्णपणे जळून नष्ट झाले आगीमुळे शेतकऱ्याचे जनावरे गंभीर जखमी झाली आहेत
जवळपास प्राथमिक अंदाजानुसार चार ते पाच लाख रुपयाचे नुकसान झाले आहे आगीमुळे शेजारील शेतकरी प्रवीण पाटील यांच्या दोन बैल तसेच अनिल चौधरी यांच्या शेतातील दोन बैल व एक गाय अधिक होरपळून गंभीर जखमी झाले तसेच मंगलबाई भिमसिंग पाटील यांच्या शेतातील सुमारे दहा-पंधरा हजार रुपये चा मका देखील जळून खाक झाला
घटनेची माहिती मिळतात आजूबाजू परिसरातील स्थानिक शेतकरी व ग्रामस्थांनी धाव घेत विहिरीतील पाणी टाकून आग आटोक्यात आणली सतर्कतेमुळे मोठा अनर्थ टळला
घटनेनंतर नुकसानग्रस्त शेतकऱ्यांनी प्रशासनाकडे पंचनामा करून आर्थिक मदत व नुकसान भरपाई मिळावी ही मागणी केली
