रायगड जिल्ह्यातील खोपोली शहरात डॉ. बाबासाहेब आंबेडकर यांच्या १३५व्या जयंती महोत्सवानिमित्त आयोजित शरीरसौष्ठव स्पर्धेला यंदा मोठा प्रतिसाद मिळाला. दरवर्षीप्रमाणे यावर्षीही हा सोहळा मोठ्या उत्साहात आणि जल्लोषात साजरा करण्यात आला.
या स्पर्धेस प्रमुख पाहुणे म्हणून खोपोली पोलीस ठाण्याचे पोलीस निरीक्षक सचिन हिरे तसेच मान्यवर सुधाकर घारे उपस्थित होते. असंख्य शरीरसौष्ठवपटू आणि मोठ्या जनसमुदायाच्या उपस्थितीत स्पर्धा पार पडली.
जयंतीनिमित्त काढण्यात आलेल्या भव्य मिरवणुकीतही मोठ्या प्रमाणात नागरिकांनी सहभाग घेतला. या मिरवणुकीत पोलीस निरीक्षक सचिन हिरे यांनी स्वतः पायी चालत उत्स्फूर्त सहभाग नोंदवला, ज्यामुळे उपस्थितांमध्ये उत्साहाचे वातावरण निर्माण झाले.
कार्यक्रमाच्या समारोपावेळी सचिन हिरे यांनी डॉ. बाबासाहेब आंबेडकर यांच्या कार्याविषयी प्रेरणादायी मनोगत व्यक्त करत शरीरसौष्ठव स्पर्धेबाबतही मार्गदर्शन केले. त्यांच्या भाषणाला उपस्थितांकडून उत्स्फूर्त प्रतिसाद मिळाला.
या संपूर्ण कार्यक्रमामुळे खोपोली शहरात आंबेडकर जयंतीचा जल्लोष पाहायला मिळाला असून विविध स्तरांतून या उपक्रमाचे कौतुक होत आहे.
