जळगाव येथे महात्मा बसवेश्वर यांच्या जन्मोत्सवानिमित्त विविध कार्यक्रमांचे आयोजन करण्यात आले आहे. वीरशैव लिंगायत गवळी समाज बहुउद्देशीय २४/१७ संस्था शाखा जळगाव तसेच महात्मा बसवेश्वर लिंगायत समाज बहुउद्देशीय संस्थेच्या वतीने हा महोत्सव साजरा होत आहे.
या महोत्सवांतर्गत १९ एप्रिल रोजी सकाळी ११ वाजता मान्यवरांच्या हस्ते महात्मा बसवेश्वर यांच्या प्रतिमेचे पूजन करण्यात येणार आहे. त्यानंतर सायंकाळी ५ वाजता शहराच्या मुख्य भागातून भव्य शोभायात्रा काढण्यात येईल. ही शोभायात्रा रोज गार्डन येथून सुरू होऊन नेहरू चौक, शास्त्री टॉवर, चित्रा चौक आणि छत्रपती शिवाजी महाराज चौक मार्गे पुन्हा रोज गार्डन येथे विसर्जित होणार आहे.
या सोहळ्याला गुलाबराव पाटील, सुरेश भोळे, दीपमाला काळे, दीपक सूर्यवंशी, मनोज चौधरी, तसेच नितीनभाऊ सपके आणि दिलीप पोकळे यांच्यासह अनेक मान्यवर उपस्थित राहणार आहेत.
तसेच कृष्णा गठरी, दिपक जोमीवाळे आणि संदीप वाणी यांनी समाजबांधवांनी या जन्मोत्सव सोहळ्यात व शोभायात्रेत मोठ्या संख्येने सहभागी व्हावे, असे आवाहन केले आहे.
