‘सारथी महाराष्ट्राचा’
प्रतिनिधी :
तडसर गावाने पुन्हा एकदा शैक्षणिक क्षेत्रात मानाचा तुरा मिळवला आहे. गावातील डॉ. सौ. वृषाली किरण जाधव यांनी प्राणीशास्त्र विषयात संशोधन करून विद्यावाचस्पती (पीएचडी) ही मानाची पदवी संपादन केली आहे.
भारती विद्यापीठ अंतर्गत यशवंतराव मोहिते सायन्स कॉलेज, एरंडवणे (पुणे) येथे शनिवार, ११ एप्रिल २०२६ रोजी त्यांना ही पदवी प्रदान करण्यात आली.
त्यांच्या संशोधनाचा विषय “Anethum graveolens (शेपू) चा वृद्धत्व प्रक्रियेवर होणारा परिणाम” (Effect of Anethum graveolens L. on murine heart during induced aging) असा होता. या संशोधनासाठी त्यांना डॉ. सुषमा सुनिल पवार यांचे मार्गदर्शन लाभले. तसेच डॉ. शिवाजीराव कदम आणि डॉ. सुनिल गणपतराव पवार यांचेही मोलाचे सहकार्य मिळाले.
या यशस्वी प्रवासात त्यांचे पती किरण तानाजी जाधव तसेच संपूर्ण जाधव कुटुंबियांचा त्यांना खंबीर पाठिंबा मिळाला. त्यांच्या या यशामुळे तडसर गावाचा लौकिक अधिक उंचावला असून सर्व स्तरातून त्यांच्यावर अभिनंदनाचा वर्षाव होत आहे.
डॉ. वृषाली जाधव यांचे हे यश इतर तरुणींना प्रेरणादायी ठरणारे असून त्यांच्या पुढील वाटचालीसाठी सर्वांकडून शुभेच्छा दिल्या जात आहेत. 🙏🌞
