उरण, दि. १८ :
उरण येथील सेंट मेरी कॉन्व्हेंट हायस्कूलमध्ये शिक्षण घेणाऱ्या अक्षर दिपाली चेतन पाटील या अवघ्या ८ वर्षीय बालकाने थक्क करणारी ऐतिहासिक कामगिरी करत सर्वांचे लक्ष वेधून घेतले आहे.
१७ एप्रिल २०२६ रोजी पहाटे १:५९ वाजता अटल सेतू जवळून समुद्रात झेप घेत अक्षरने ४:२९ वाजता गेटवे ऑफ इंडिया गाठले. तब्बल १७ किलोमीटरचे अंतर त्याने केवळ २ तास २९ मिनिटे २९ सेकंदात पूर्ण केले.
ही मोहीम महाराष्ट्र हौशी जलतरण संघटना चे निरीक्षक सुनील मयेकर यांच्या देखरेखीखाली पार पडली. उरण तालुक्यातील केगाव गावचा रहिवासी असलेला अक्षर पाटील ‘सी स्विमिंग टीम’ तसेच कुटुंबीय आणि मित्रांच्या उपस्थितीत ही कामगिरी पार पाडली.
अवघ्या ८ वर्षांच्या वयात केलेल्या या विक्रमी कामगिरीमुळे उरण तालुक्याच्या शिरपेचात मानाचा तुरा खोवला गेला असून सर्व स्तरांतून अक्षरवर कौतुकाचा वर्षाव होत आहे.
