मारेगाव :
मारेगाव तालुक्यातील कुंभा सर्कलमध्ये पुलाच्या कामासाठी खोदलेल्या खोल खड्ड्यामुळे गंभीर अपघात घडल्याची घटना समोर आली आहे.
पुलाच्या बांधकामादरम्यान कंत्राटदाराने कोणतेही सूचना फलक किंवा सुरक्षा उपाय न केल्याने १२ फूट खोल खड्ड्यात बैलगाडी कोसळली. या अपघातात एका बैलाचा जागीच मृत्यू झाला असून दोन शेतकरी गंभीर जखमी झाले आहेत.
या घटनेमुळे परिसरात संतापाची लाट उसळली आहे. नागरिकांनी महसूल विभाग व संबंधित प्रशासनाच्या दुर्लक्षावर तीव्र नाराजी व्यक्त केली आहे. अपघातानंतरही कोणतीही ठोस कारवाई न झाल्याने ग्रामस्थांमध्ये रोष वाढत आहे.
“ज्या शेतकऱ्यांवर संपूर्ण समाज अवलंबून आहे, त्यांनाच अशा प्रकारे त्रास सहन करावा लागत आहे,” अशी भावना स्थानिकांकडून व्यक्त करण्यात येत आहे. प्रशासनाने तात्काळ दखल घेऊन जबाबदारांवर कारवाई करावी, अशी मागणी होत आहे.
