मारेगाव :
मारेगाव तालुक्यातील वेगाव येथील रहिवासी दिलीप बाबाराव गौरकर यांची मोटरसायकल चोरीला गेल्याची घटना समोर आली आहे. याप्रकरणी मारेगाव पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
मिळालेल्या माहितीनुसार, दिलीप गौरकर हे आपल्या नोकरदाराचा शोध घेण्यासाठी मारेगाव येथे आले होते. त्यांनी आपली MH 29 N 8378 क्रमांकाची मोटरसायकल एका ठिकाणी उभी करून परिसरात शोध घेतला. काही वेळानंतर परत आल्यानंतर मोटरसायकल जागेवरून गायब असल्याचे त्यांच्या निदर्शनास आले.
यानंतर त्यांनी तात्काळ पोलीस ठाण्यात धाव घेऊन तक्रार दाखल केली. पोलिसांनी अज्ञात व्यक्तीविरुद्ध गुन्हा नोंदवून पुढील तपास सुरू केला आहे.
