श्रीगोंदा (तालुका प्रतिनिधी):
पुणे येथे समर्थ सणस मैदानावर पार पडलेल्या इंटर इंजिनिअरिंग डिप्लोमा स्टुडंट्स स्पोर्ट्स असोसिएशनच्या राज्यस्तरीय अॅथलेटिक्स स्पर्धेत परिक्रमा तंत्रनिकेतनच्या कु. वैष्णवी शेंडगे हिने २०० मीटर धावण्याच्या स्पर्धेत द्वितीय क्रमांक पटकावत महाविद्यालयाचे नाव उज्ज्वल केले.
या स्पर्धेत परिक्रमा पॉलिटेक्निककडून कु. वैष्णवी शेंडगे, कु. अविनाश गावडे आणि कु. अनुराधा धुमाळ असे तीन खेळाडू सहभागी झाले होते. अत्यंत चुरशीच्या स्पर्धेत खेळाडूंनी उत्कृष्ट कामगिरी करत घवघवीत यश मिळवले.
या यशाबद्दल संस्थेचे संस्थापक माजी मंत्री बबनराव पाचपुते, अध्यक्षा डॉ. सौ. प्रतिभाताई पाचपुते, सचिव आमदार विक्रमसिंह पाचपुते, तसेच इतर मान्यवरांनी खेळाडूंचे अभिनंदन करून पुढील वाटचालीस शुभेच्छा दिल्या.
या खेळाडूंना तंत्रनिकेतनचे प्राचार्य डॉ. प्रशांत सूर्यवंशी आणि शारीरिक शिक्षण संचालक प्रा. अशोक राहिंज यांचे मार्गदर्शन लाभले.
