कन्नड | प्रतिनिधी
डॉ. बाबासाहेब आंबेडकर जयंतीनिमित्त कन्नड येथे आयोजित भीम फेस्टिवल अंतर्गत प्रख्यात गायक राहुल आण्विकर यांचा भीम गीतांचा विशेष कार्यक्रम आज (दि. 19 एप्रिल 2026) सायंकाळी 6 वाजता पार पडणार आहे.
महाराष्ट्रातील सुप्रसिद्ध गायक राहुल आण्विकर यांच्या दमदार व सुमधुर आवाजात सादर होणाऱ्या या कार्यक्रमाची उत्सुकता शिगेला पोहोचली आहे. कार्यक्रमाचा लाभ घेण्यासाठी सर्व समाज बांधवांनी उपस्थित राहावे, असे आवाहन आयोजन समितीकडून करण्यात आले आहे.
या कार्यक्रमाचे उद्घाटन पँथर रिपब्लिकन पक्षाच्या अध्यक्षा सूर्यकांता गंगाधर गाडे यांच्या हस्ते होणार असून, नगराध्यक्षा फरीन बेगम अब्दुल जावेद सेठ या प्रमुख अतिथी म्हणून उपस्थित राहणार आहेत.
यावेळी मुख्याधिकारी रविंद्र लांडे, नगरसेवक अब्दुल जावेद सेठ, राजानंद सुरडकर, अनिल सिरसाट, गणेश मोरे, धीरज नगराळे, राजू कमिटी, बंटी काशिनंद यांच्यासह अनेक मान्यवरांची उपस्थिती राहणार आहे.
