अक्षय तृतीयेच्या मुहूर्तावर श्री दत्तप्रभू गोशाळेचा शुभारंभ; गोसंवर्धनासाठी पुढाकार

भडगाव (प्रतिनिधी )

अक्षय तृतीयेच्या शुभ मुहूर्तावर भडगाव तालुक्यातील श्रीक्षेत्र कनाशी येथे श्री दत्तप्रभू गोशाळेचा शुभारंभ मोठ्या उत्साहात संपन्न झाला. या गोशाळेचे उद्घाटन संस्थापक अध्यक्ष परमपूज्य गुरुवर्य श्री राहुल दादा पाच राऊत यांच्या हस्ते करण्यात आले.

कार्यक्रमास श्रीक्षेत्र कनाशी व बोदर्डे गावातील ग्रामस्थ मोठ्या संख्येने उपस्थित होते. गोशाळेच्या स्थापनेमागील उद्दिष्ट देशी गोमातांचे जतन, संवर्धन आणि संगोपन करणे हे असून, या उपक्रमामुळे परिसरातील गोसेवकांमध्ये आनंदाचे वातावरण निर्माण झाले आहे.

या प्रसंगी नंदूभाऊ पाटील, राजेंद्र पाटील, दीपक पाटील, संतोष पाटील, नंदलाल पाटील, भाऊसाहेब पाटील, सुनील पाटील, धनराज पाटील, नंदकिशोर पाटील, अजय पाटील, विठ्ठल पाटील, विकी पाटील, संजय पाटील, दादाभाऊ पाटील, दिनेश पाटील, गुलाब भदाणे यांसह अनेक मान्यवर उपस्थित होते. तसेच ‘सारथी महाराष्ट्र’चे पत्रकार विलास पाटील यांनीही उपस्थिती दर्शवली.

कजगाव रोड, श्रीक्षेत्र कनाशी येथील प्रगतिशील शेतकरी नंदूभाऊ पाटील (मुंबईकर) यांनी गोशाळेसाठी 100 बाय 100 फूटाचे शेड उपलब्ध करून दिले आहे.

यावेळी श्री राहुल दादा पाच राऊत यांनी स्थानिक शेतकऱ्यांना गोमातांच्या रक्षणासाठी चारा व इतर आवश्यक मदतीसाठी पुढे येण्याचे आवाहन केले.

या उपक्रमामुळे परिसरात गोसंवर्धनाला चालना मिळणार असून, पर्यावरण आणि पारंपरिक शेती संस्कृती जपण्यास मदत होणार असल्याची भावना व्यक्त करण्यात आली.