भडगाव (प्रतिनिधी )
भडगाव तालुक्यातील पाचोरा रोडवरील मिनी एमआयडीसी परिसरात दुपारच्या सुमारास एका प्लास्टिक गोदामाला भीषण आग लागल्याची घटना घडली. या घटनेमुळे परिसरात काही काळ भीतीचे वातावरण निर्माण झाले होते.
आगीची माहिती मिळताच भडगाव व पाचोरा येथील अग्निशमन दलाच्या गाड्या तातडीने घटनास्थळी दाखल झाल्या. स्थानिक पोलीस प्रशासन आणि परिसरातील नागरिकांनीही आग विझवण्यासाठी शर्थीचे प्रयत्न केले.
सुदैवाने या घटनेत कोणतीही जीवितहानी झालेली नाही. मात्र, आगीत मोठ्या प्रमाणावर आर्थिक नुकसान झाल्याचा प्राथमिक अंदाज व्यक्त करण्यात आला आहे.
दरम्यान, आगीचे नेमके कारण अद्याप स्पष्ट झाले नसून संबंधित विभागाकडून पंचनामा करून पुढील तपास सुरू करण्यात आला आहे.
