सेलू प्रतिनिधी
तालुक्यातील वाहितपूर शिवारात रविवारी (दि. १९) सकाळी एक दुर्दैवी घटना उघडकीस आली असून, धावत्या रेल्वेसमोर उडी घेऊन एका तरुणाचा मृत्यू झाला आहे. या घटनेमुळे परिसरात हळहळ व्यक्त होत आहे.
सुमीत अरुण वरघणे (वय ३०, रा. वाहितपूर) असे मृत तरुणाचे नाव आहे. पोलिसांकडून मिळालेल्या माहितीनुसार, सुमीत वरघणे रविवारी सकाळी घराबाहेर पडला होता. त्यानंतर तो वाहितपूर शिवारातील रेल्वे मार्गावर गेला आणि धावत्या रेल्वेसमोर उडी घेतली. या घटनेत त्याचा जागीच मृत्यू झाला.
घटनेची माहिती मिळताच सेलू पोलिसांनी तातडीने घटनास्थळी धाव घेत पंचनामा केला. त्यानंतर मृतदेह उत्तरीय तपासणीसाठी रुग्णमित्र प्रज्वल लटारे यांच्या रुग्णवाहिकेद्वारे सेलू ग्रामीण रुग्णालयात पाठविण्यात आला.
या प्रकरणी सेलू पोलिस ठाण्यात आकस्मिक मृत्यूची नोंद करण्यात आली असून, पुढील तपास सुरू आहे.
