अंबाजोगाई (प्रतिनिधी)
अंबाजोगाई तालुका माहेश्वरी मंडळाची सन २०२६ ते २०२९ या कालावधीसाठी नवी कार्यकारिणी बिनविरोध निवडण्यात आली आहे. अंबाजोगाई माहेश्वरी महासंघाच्या मार्गदर्शनाखाली आदरणीय नंदकिशोरजी मुंदडा (काकाजी) यांच्या नेतृत्वात ही निवड प्रक्रिया मान्यवर व समाज बांधवांच्या उपस्थितीत पार पडली.
या निवडीत तालुका अध्यक्षपदी पुरुषोत्तमजी (राजू) रांदड यांची निवड करण्यात आली. उपाध्यक्षपदी जगदीश जाजू व प्रविण बजाज, कोषाध्यक्षपदी रामानुज मुंदडा, सचिवपदी ईश्वर लोहिया, सहसचिवपदी पवन तापडिया व संतोष सारडा (घाटनांदुर), संघटनमंत्रीपदी मुन्ना सोमाणी, तर प्रसारमंत्रीपदी संजय लोहिया (पत्रकार) यांची सर्वानुमते बिनविरोध निवड करण्यात आली.
निवडणूक प्रक्रिया अत्यंत शांत व खेळीमेळीच्या वातावरणात पार पडली. निवडणूक अधिकारी म्हणून ललित बजाज व संतोष भंडारी यांनी जबाबदारी पार पाडली.
नवीन कार्यकारिणी जाहीर झाल्यानंतर माजी कार्यकारिणीने सर्व पदाधिकाऱ्यांचा पुष्पगुच्छ देऊन सत्कार केला. यावेळी बीड जिल्हा माहेश्वरी अध्यक्ष नंदकिशोरजी मुंदडा, ललित तोष्णीवाल, जगदीश जाजू, माजी तालुका अध्यक्ष दत्तप्रसाद लोहिया, सचिव सतीष तोष्णीवाल यांच्यासह लोहिया, मुंदडा, रांदड, बजाज, नावंदर, चोकडा, तापडिया, बाहेती, गिलडा, सोमाणी, सारडा, सोनी, दरगड, मंत्री, भुतडा, बांगड, जाजू आदी समाज बांधव मोठ्या संख्येने उपस्थित होते.
