जळगाव (प्रतिनिधी) : महात्मा बसवेश्वर लिंगायत समाज बहुद्देशीय संस्था तसेच वीरशैव लिंगायत गवळी समाज बहुद्देशीय संस्था, जळगाव यांच्या वतीने रविवार, दि. १९ एप्रिल रोजी महात्मा बसवेश्वर जयंतीनिमित्त शहरातून भव्य शोभायात्रा काढण्यात आली.
शोभायात्रेची सुरुवात रोझ गार्डन येथून आमदार सुरेश भोळे यांच्या हस्ते महात्मा बसवेश्वर यांच्या प्रतिमेचे पूजन करून करण्यात आली. या मिरवणुकीत लिंगायत समाजाचे पदाधिकारी, कार्यकर्ते तसेच समाजबांधव मोठ्या संख्येने सहभागी झाले होते.
या वेळी महात्मा बसवेश्वर यांच्या नावाचा जयघोष करत संपूर्ण परिसर भक्तिमय वातावरणाने दुमदुमून गेला. शोभायात्रेत महिला व पुरुषांचा उत्साही सहभाग दिसून आला.
मिरवणुकीचा मार्ग रोझ गार्डन, नेहरू चौक, टॉवर चौक, महापालिका मार्गे गोविंदा रिक्षा स्टॉप येथे संपन्न झाला. यावेळी काव्य रत्नावली चौकात महात्मा बसवेश्वर यांच्या वचनांच्या फलकाचे मान्यवरांच्या हस्ते अनावरण करण्यात आले.
या शोभायात्रेत संदीप वाणी (बसवे), गजानन आकाशे, विशाल लिंगायत, संदीप मिटकरी, समीर गुळवे, कृष्णा गवळी, दीपक जोमीवाळे, सतीश न्याने यांच्यासह अनेक पदाधिकारी व समाजबांधव सहभागी झाले होते.
