उदगीर (प्रतिनिधी) : अखिल भारतीय मराठी पत्रकार परिषदेच्या ४४ व्या राष्ट्रीय अधिवेशनाच्या निमित्ताने उदगीर येथील स्वामी विवेकानंद शिक्षण प्रसारक मंडळाच्या परिसरात नामांकित टीव्ही अँकर्सचे आगमन झाले. या कार्यक्रमाला पत्रकार आणि विद्यार्थ्यांची मोठी उपस्थिती लाभली.
या प्रसंगी News 18 मराठीचे विश्वजित परदेशी, ABP माझाचे प्रज्ञा पवार, TV9 मराठीच्या श्वेता डांडेकर, Zee 24 तासचे सौरभ कोरटकर तसेच लोकशाही न्यूजचे संपादक विश्वजित पाटील यांची उपस्थिती होती. तसेच मुक्तपीठचे संपादक तुषारदास भोईटे यांनीही कार्यक्रमात सहभाग नोंदवला.
या मान्यवरांनी आपल्या पत्रकारिता व अँकरिंग क्षेत्रातील प्रवास, सुरुवातीच्या संघर्षाच्या आठवणी तसेच मीडिया क्षेत्रातील अनुभव विद्यार्थ्यांसमोर मांडले. प्रभावी संवादकौशल्य, आत्मविश्वास आणि सत्य व निष्पक्ष पत्रकारितेचे महत्त्व त्यांनी अधोरेखित केले.
या मार्गदर्शन सत्रामुळे उपस्थित पत्रकार व विद्यार्थ्यांना नवी दिशा मिळाली असून, अँकरिंग आणि पत्रकारिता क्षेत्रात पुढे जाण्यासाठी प्रेरणा मिळाल्याची भावना व्यक्त करण्यात आली.
