सातारा, दि. २१ एप्रिल २०२६ :
सातारा जिल्ह्यातील पोलीस प्रशासनात महत्त्वाचा बदल करण्यात आला असून, तुषार दोशी यांची सांगली येथे बदली करण्यात आली आहे. त्यांच्या जागी निखील पिंगळे यांची साताऱ्याचे नवे पोलीस अधीक्षक (एसपी) म्हणून नियुक्ती करण्यात आली आहे.
जिल्हा परिषद प्रक्रियेनंतर बदल
अलीकडेच जिल्हा परिषद निवड प्रक्रियेदरम्यान झालेल्या गोंधळामुळे साताऱ्यातील पोलीस यंत्रणा चर्चेत आली होती. या काळात धक्काबुक्की, अटक आणि मतदान प्रक्रियेत हस्तक्षेप झाल्याचे आरोप समोर आले होते. हा मुद्दा विधानमंडळातही गाजला होता.
निलंबनाची मागणी आणि रजेवर
या घटनांच्या पार्श्वभूमीवर तुषार दोशी यांच्या निलंबनाची मागणी करण्यात आली होती. दरम्यान, ते काही दिवस अर्जित रजेवरही होते.
नवीन एसपी म्हणून निखील पिंगळे यांच्यासमोर कायदा व सुव्यवस्था अबाधित राखण्याचे तसेच पोलीस प्रशासनावरील विश्वास पुन्हा दृढ करण्याचे मोठे आव्हान असणार आहे.
