अहेरी :
अहेरी परिसरात पायदळ पुलावरून पडून शंकर पोट्टी मडावी (वय ६०) यांचा दुर्दैवी मृत्यू झाल्याची घटना घडली आहे. बाजार करून घरी परतत असताना ही घटना घडल्याने परिसरात हळहळ व्यक्त करण्यात येत आहे.
मिळालेल्या माहितीनुसार, शंकर मडावी हे बाजार करून आपल्या घरी परतत होते. यावेळी पायदळ पुलावरून जात असताना त्यांचा अचानक तोल गेला आणि ते खाली कोसळले. या अपघातात त्यांच्या डोक्याला गंभीर दुखापत झाली असून त्यातच त्यांचा मृत्यू झाल्याची प्राथमिक माहिती समोर आली आहे.
घटनेनंतर त्यांना पुढील कार्यवाहीसाठी अहेरी येथील ग्रामीण रुग्णालयात शवविच्छेदनासाठी आणण्यात आले. दरम्यान, ही माहिती मिळताच काँग्रेस नेते डॉ. अजयभाऊ कंकडालवार यांनी तातडीने कार्यकर्त्यांना रुग्णालयात पाठवून पोस्टमॉर्टेमसाठी आवश्यक साहित्य उपलब्ध करून दिले. तसेच संबंधित अधिकाऱ्यांशी संपर्क साधून प्रक्रिया सुरळीत पार पाडण्यासाठी मदत केली.
शवविच्छेदनाची प्रक्रिया पूर्ण झाल्यानंतर मृतदेह त्यांच्या स्वगावी रवाना करण्यात आला. या घटनेमुळे अहेरी परिसरात शोककळा पसरली असून नागरिकांकडून हळहळ व्यक्त केली जात आहे.
