नायगाव (प्रतिनिधी) – तालुक्यातील घुंगराळा येथे येत्या २९ एप्रिल रोजी साजऱ्या होणाऱ्या डॉ. बाबासाहेब आंबेडकर यांच्या १३५ व्या जयंतीनिमित्त सार्वजनिक भीम जयंती मंडळाची नवी कार्यकारिणी जाहीर करण्यात आली. १९ एप्रिल रोजी उरूवेला बुद्ध विहार येथे आयोजित बैठकीत ही निवड सर्वानुमते करण्यात आली.
सदर बैठक सेवानिवृत्त एस. के. गजभारे यांच्या मार्गदर्शनाखाली पार पडली. तसेच वंचित बहुजन युवा आघाडी (नांदेड दक्षिण) चे जिल्हा उपाध्यक्ष दिपक गजभारे यांच्या अध्यक्षतेखाली बैठकीचे आयोजन करण्यात आले होते. या बैठकीत मंडळाच्या नव्या पदाधिकाऱ्यांची घोषणा करण्यात आली.
यानुसार, अध्यक्षपदी संघरत्न बबन ढवळे तर सचिवपदी सचिन रमेश गजभारे यांची एकमताने निवड करण्यात आली. उपाध्यक्षपदी सिद्धांत पट्टेकर, कोषाध्यक्षपदी माधव गजभारे, सहकोषाध्यक्षपदी पुंडलिक आढाव यांची निवड झाली. सल्लागार म्हणून प्रभता हाणमंते यांची नियुक्ती करण्यात आली असून व्यवस्थापकपदी उत्तम गजभारे, अच्युत सोनसळे, सुनील हानवटे आणि साहेबराव गजभारे यांची निवड करण्यात आली आहे.
बैठकीत २९ एप्रिल रोजी होणाऱ्या जयंतीनिमित्त विविध धार्मिक, सामाजिक, शैक्षणिक आणि सांस्कृतिक कार्यक्रमांचे आयोजन करण्याचा निर्णय घेण्यात आला. तसेच दरवर्षीप्रमाणे यंदाही डॉ. बाबासाहेब आंबेडकर यांच्या प्रतिमेची भव्य मिरवणूक काढण्याचा एकमुखी ठराव मंजूर करण्यात आला.
नवीन कार्यकारिणीच्या निवडीबद्दल परिसरातून स्वागत व अभिनंदनाचा वर्षाव होत असून, या बैठकीस एस. के. गजभारे, गणपत गजभारे, प्रकाश गजभारे, निवृत्ती आढाव, अमित बोंडले, विलास बोंडले, योगेश तुरटवाड, कुणाल गजभारे, धम्मपाल ढवळे, नागेश गजभारे, महेश गजभारे, हर्ष सोनसळे यांच्यासह अनेक बौद्ध उपासक-उपासिका मोठ्या संख्येने उपस्थित होते.
