पनवेल प्रतिनिधी:-
क्रांतिज्योती महिला विकास फाउंडेशन,पनवेल यांच्या कडून संघर्षांना सामोरं जाऊन,स्वतःची ओळख निर्माण करत,समाजात प्रेरणेचा दीप पेटवणाऱ्या कर्तृत्ववान महिलाना त्यांनी केलेल्या उल्लेखनीय कामगिरी बद्दल
“क्रांतिज्योत महिला प्रेरणा पुरस्कार” ने सन्मानित करण्यात येते. क्रांतिज्योती महिला विकास फाउंडेशन, पनवेल अध्यक्षा सौ.रुपालीताई शिंदे यांच्या वाढदिवसाचे अवचित्य साधून बुधवार दिनांक २२/०४/२०२६ रोजी पनवेल येथे या पुरस्काराचे वितरण करण्यात आले.
कळंबोली येथील समाजसेविका सौ. स्नेहल ताई बागल यांचा सामाजिक क्षेत्रातील उल्लेखनीय कामगिरीबद्दल विधान परिषद आमदार श्री विक्रांत पाटील यांच्या शुभहस्ते “‘क्रांतिज्योती महिला प्रेरणा पुरस्काराने‘ सन्मानित करण्यात आले आहे. या यशाबद्दल त्यांचे सर्व स्तरांतून अभिनंदन होत आहे.
स्नेहल ताई गेल्या अनेक वर्षांपासून कळंबोली आणि पनवेल परिसरात महिला सक्षमीकरण, शिक्षण आणि गरजूंच्या मदतीसाठी सामाजिक, राजकीय कार्यात सक्रिय आहेत. त्यांच्या याच निस्वार्थ सेवेची दखल घेऊन त्यांना हा गौरव प्रदान करण्यात आला आहे.
“हा पुरस्कार केवळ माझा सन्मान नसून माझ्यासोबत काम करणाऱ्या प्रत्येक कार्यकर्त्याचा आणि माझ्यावर विश्वास ठेवणाऱ्या जनतेचा गौरव आहे,” अशा भावना सौ. स्नेहल ताई बागल यांनी सत्काराला उत्तर देताना व्यक्त केल्या.
या सोहळ्याप्रसंगी विधान परिषद आमदार श्री विक्रांत पाटील, उपमहापौर सौ प्रमिला पाटील,ऍडव्होकेट श्री मनोज भुजबळ, नगरसेविका सौ. स्नेहल ढमाले पाटील, सौ. मोहिनी ताई विक्रांत पाटील, सौ. रूपाली ताई शिंदे(अध्यक्षा, क्रांतिज्योती महिला विकास फाउंडेशन)यांच्या सह विविध क्षेत्रातील मान्यवर, राजकीय पदाधिकारी आणि मोठ्या संख्येने नागरिक उपस्थित होते.
समाजसेविका सौ स्नेहल ताई बागल यांनी कळंबोलीच्या शिरपेचात मानाचा तुरा रोवल्याबद्दल परिसरात आनंदाचे वातावरण आहे.
