छत्रपती संभाजीनगर (प्रतिनिधी) – जालना येथील ज्येष्ठ कीर्तनकार ह.भ.प. शेष महाराज गोंदेकर यांचे बुधवारी, दि. २२ एप्रिल २०२६ रोजी रात्री ११ वाजता छत्रपती संभाजीनगर येथील सिडको येथील निवासस्थानी वयाच्या ९५ व्या वर्षी दुःखद निधन झाले. त्यांच्या निधनामुळे धार्मिक व सामाजिक क्षेत्रात हळहळ व्यक्त होत असून भाविकांमध्ये शोककळा पसरली आहे.
शेष महाराज गोंदेकर यांच्या पश्चात मुलगा विश्वास महाराज भागवत, सून, नातवंडे असा मोठा परिवार आहे. त्यांनी आपल्या कीर्तन व प्रवचनाच्या माध्यमातून समाजप्रबोधनाचे कार्य आयुष्यभर केले होते. त्यांच्या साध्या, सुसंस्कृत आणि अध्यात्मिक जीवनामुळे ते भाविकांमध्ये विशेष आदराचे स्थान मिळवून होते.
त्यांचा अंत्यविधी गुरुवार, दि. २३ एप्रिल २०२६ रोजी सकाळी १० वाजता सिडको एन-४, एमआयटी हॉस्पिटलजवळील निवासस्थान येथून निघणार असून एन-६ स्मशानभूमीत अंत्यसंस्कार करण्यात येणार आहेत.
