एरंडोल (प्रतिनिधी) – डॉ. बाबासाहेब आंबेडकर यांच्या जयंतीनिमित्त एरंडोल शहरात काढण्यात आलेल्या भव्य मिरवणुकीदरम्यान सामाजिक कार्यकर्ते तथा आरोग्य दूत विक्की खोकरे यांच्या वतीने थंडगार शीतपेय (शरबत) वाटपाचा उपक्रम राबविण्यात आला. प्रचंड उष्णतेच्या पार्श्वभूमीवर हा उपक्रम भाविकांसाठी दिलासा देणारा ठरला.
महाराष्ट्र शासनाचा समाज भूषण पुरस्कार प्राप्त श्री फकिराजी खोकरे यांच्या मार्गदर्शनाखाली हा उपक्रम आयोजित करण्यात आला होता. मिरवणुकीत सहभागी झालेल्या वयोवृद्ध महिला, भीमसैनिक आणि नागरिकांनी मनसोक्त शीतपेयाचा लाभ घेतला. “उष्णतेच्या काळात योग्य वेळी योग्य उपक्रम” असे म्हणत उपस्थितांनी विक्की खोकरे यांच्या कार्याचे कौतुक केले.
या कार्यक्रमास सहाय्यक पोलिस निरीक्षक शंकर पवार, माजी उपनगराध्यक्ष शालिग्राम गायकवाड, जयंती उत्सव अध्यक्ष लखन बनसोडे, डॉ. अतुल सोनवणे, प्रशांत सोनवणे, रविंद्र चौधरी यांच्यासह अनेक मान्यवर उपस्थित होते. तसेच दुर्गेश खोकरे, भैय्या घोडेस्वार, रितीक खोकरे, जितू बोढरे, निखिल खोकरे, सोनू खोकरे, दैविक खोकरे आदींनी या उपक्रमासाठी विशेष परिश्रम घेतले.
या सामाजिक उपक्रमामुळे शहरात सर्वत्र समाधानाचे वातावरण निर्माण झाले असून, विक्की खोकरे यांच्या या पुढाकाराचे सर्वत्र कौतुक होत आहे.
