श्रीगोंदा | प्रतिनिधी
महेश्वर मल्टिस्टेट को-ऑपरेटिव्ह क्रेडिट सोसायटी यांच्या विसापूर (ता. श्रीगोंदा) येथील नवीन शाखेचे उद्घाटन विधानपरिषदेचे सभापती राम शिंदे यांच्या हस्ते संपन्न झाले.
यावेळी बोलताना राम शिंदे यांनी ठेवीदारांचा विश्वास आणि संस्थेची सेवाभावी वृत्ती यामुळे संस्था भविष्यात निश्चितच अधिक उंची गाठेल, असा विश्वास व्यक्त केला.
सन २०११ मध्ये स्थापन झालेल्या महेश्वर मल्टिस्टेट को-ऑपरेटिव्ह क्रेडिट सोसायटी ने अल्पावधीतच १८ शाखांचे मजबूत जाळे उभे केले आहे. ग्रामीण भागातील आर्थिक सक्षमीकरणासाठी संस्था प्रभावीपणे कार्य करत असून सर्वसामान्य शेतकरी, कष्टकरी आणि व्यावसायिकांना आर्थिक आधार देत रोजगार निर्मितीत महत्त्वपूर्ण योगदान दिले आहे.
या उद्घाटन सोहळ्यास तालुक्याचे ज्येष्ठ नेते व माजी मंत्री बबनराव पाचपुते, माजी आमदार राहुल जगताप, राजेंद्र नागवडे, संस्थापक चेअरमन दत्तात्रय गावडे, घनश्याम शेलार, राजेंद्र म्हस्के, राजेश पाचपुते, माजी जिल्हा परिषद सदस्य दिनुकाका पंदरकर, हरिदास शिर्के, लोकनियुक्त सरपंच पुरुषोत्तम लगड, अजिबात हजारे, विठ्ठलराव वाडगे, प्रशांत दरेकर, विष्णू जठार, नामदेव जठार, बाळासाहेब काटे तसेच अनिल भदागरे यांच्यासह ग्रामस्थ महिला भगिनी मोठ्या संख्येने उपस्थित होत्या.
