श्रीगोंदा | प्रतिनिधी
नुकत्याच जाहीर झालेल्या उच्च प्राथमिक व पूर्व माध्यमिक शिष्यवृत्ती परीक्षेच्या निकालात श्रीमंत राजमाता विजयाराजे शिंदे कन्या विद्यालय यांनी उल्लेखनीय यश संपादन करत आपले अव्वल स्थान कायम राखले आहे. रयत शिक्षण संस्था संचलित या विद्यालयातील विद्यार्थिनींनी गुणवत्तेची परंपरा कायम ठेवत उत्कृष्ट कामगिरी केली.
इयत्ता पाचवी शिष्यवृत्ती परीक्षेस विद्यालयातून १०४ विद्यार्थिनी प्रविष्ठ झाल्या होत्या. त्यापैकी ६९ विद्यार्थिनी पात्र ठरल्या असून निकालाची टक्केवारी ६६.३३ टक्के इतकी लागली. पाचवीतील गुणवंत विद्यार्थिनींमध्ये भूमी दादा साळुंके हिने २४६ गुण मिळवत प्रथम क्रमांक पटकावला. तर सान्वी सुधीर साबळे (२३८), सृष्टी काकासाहेब खोसे (२२४), श्रावणी उद्धव दिंडे (२२२) आणि आरोही शरद तरटे (२२०) यांनीही उल्लेखनीय यश मिळवले.
या विद्यार्थिनींना मराठी विषयासाठी श्रीमती राऊत एस. डी., गणितासाठी श्रीमती वाघचौरे एस. व्ही., इंग्रजीसाठी श्रीमती घोडे पी. बी. तसेच बुद्धिमत्तेसाठी श्री. गारुडकर एस. जी. यांनी मार्गदर्शन केले.
इयत्ता आठवी शिष्यवृत्ती परीक्षेस ८८ विद्यार्थिनी प्रविष्ठ झाल्या होत्या. त्यापैकी ४५ विद्यार्थिनी पात्र ठरल्या असून निकालाची टक्केवारी ५२.९ टक्के लागली. गुणवंत विद्यार्थिनींमध्ये स्वरांजली संदीप भगत हिने २७४ गुण मिळवत अव्वल स्थान मिळवले. तर समृद्धी सचिन शेळके (२६८), नीता नितीन सप्रे (२६४), श्राव्या मच्छिंद्र लोखंडे (२६२) आणि मयुरी लहू गांगर्डे (२६०) यांनीही उल्लेखनीय यश संपादन केले.
आठवीच्या विद्यार्थिनींना मराठी विषयासाठी श्री. शिंदे के. डी., गणितासाठी श्री. खामकर के. जी., इंग्रजीसाठी श्री. खेडकर डी. सी. तसेच बुद्धिमत्ता विषयासाठी श्रीमती कळसकर एस. एस. यांनी मार्गदर्शन केले.
विद्यालयाच्या या यशाबद्दल मुख्याध्यापिका वर्षा भोईटे, पर्यवेक्षक बाळासाहेब शिंदे, गुरुकुलप्रमुख किरण शिंदे तसेच संस्थेचे पदाधिकारी, स्थानिक स्कूल कमिटी, शाळा व्यवस्थापन समिती, पालक संघ आणि पंचक्रोशीतील ग्रामस्थांनी विद्यार्थिनी व शिक्षकांचे अभिनंदन केले आहे.
