अकलूज नगरपरिषदेच्या पुढाकाराने नागरिकांना दिलासा
अकलूज | प्रतिनिधी :
Akluj Nagar Parishad च्या माध्यमातून विकासनगर परिसरातील महिला शौचालयाच्या कामास अखेर सुरुवात करण्यात आली असून, त्यामुळे परिसरातील नागरिकांना मोठा दिलासा मिळाला आहे.
अकलूज नगरपरिषदेच्या लोकनियुक्त पहिल्या नगराध्यक्षा सौ. रेश्माताई अडगळे तसेच गटनेते व उपनगराध्यक्ष शिवतेजसिंह मोहिते पाटील यांच्या मार्गदर्शनाखाली प्रभाग क्रमांक ७ चे नगरसेवक क्रांतीसिंह माने पाटील आणि नगरसेविका कु. मृदुला महेश सूर्यवंशी यांनी दिलेल्या आश्वासनानुसार या कामाची सुरुवात करण्यात आली.
गेल्या अनेक दिवसांपासून नागरिकांकडून महिला शौचालयाची मागणी होत होती. महिलांच्या मूलभूत सुविधांचा प्रश्न लक्षात घेऊन नगरपरिषद प्रशासनाने या कामाला प्राधान्य दिल्याचे सांगण्यात आले. कामाला प्रत्यक्ष सुरुवात झाल्याने परिसरातील नागरिकांमध्ये समाधानाचे वातावरण आहे.
“जनतेला दिलेला शब्द पूर्ण करणे हेच आमचे कर्तव्य” या भूमिकेतून प्रभागातील विविध विकासकामांना गती देण्यात येत असून, अकलूज शहर अधिक स्वच्छ, सुंदर आणि आधुनिक करण्यासाठी नगरपरिषद कटिबद्ध असल्याची भावना यावेळी व्यक्त करण्यात आली.
