यवतमाळ | प्रतिनिधी :
Sachin Naik यांच्या यवतमाळ जिल्हा काँग्रेसच्या नवनिर्वाचित जिल्हाध्यक्षपदी निवडीनंतर शहरात उत्साहपूर्ण स्वागत कार्यक्रमाचे आयोजन करण्यात आले. कार्यकर्त्यांनी जल्लोषात स्वागत करत नव्या नेतृत्वावर विश्वास व्यक्त केला.
स्वागत कार्यक्रमाच्या प्रारंभी शहरातील महात्मा ज्योतिबा फुले, राष्ट्रपिता महात्मा गांधी, भारतरत्न डॉ. बाबासाहेब आंबेडकर, राजमाता अहिल्याबाई होळकर, छत्रपती शिवाजी महाराज, क्रांतीसूर्य बिरसा मुंडा, वसंतराव नाईक, माजी पंतप्रधान इंदिरा गांधी तसेच स्व. जवाहरलाल दर्डा यांच्या स्मारकांना पुष्पहार अर्पण करून अभिवादन करण्यात आले.
यानंतर दोन पंजा चौक परिसरातील सेलिब्रेशन हॉल येथे यवतमाळ विधानसभा मतदारसंघाचे आमदार Balasaheb Mangulkar यांच्या कार्यालयात स्वागत समारंभ पार पडला.
यावेळी बोलताना जिल्हाध्यक्ष ॲड. सचिन नाईक यांनी काँग्रेस पक्षाची संघटना अधिक मजबूत करण्याचा निर्धार व्यक्त केला. “पक्ष संघटना तळागाळापर्यंत पोहोचवून युवकांना मोठ्या प्रमाणात संधी दिली जाईल. नव्या पिढीला काँग्रेसशी जोडून संघटन बळकट करण्यावर भर राहील,” असे त्यांनी सांगितले.
कार्यक्रमाला आमदार बाळासाहेब मांगुळकर, संजय ठाकरे, राहुल ठाकरे, प्रियंका बिडकर, जितेंद्र मोघे, आरीज बेग, राजेंद्र गौतम पाटील, नंदू कुडमेथे, उमेश चोरमले, रविभाऊ ढोक, रमेश भीसनकर, प्रमोद बगाडे, कृष्णा पुसनाके, विजय मोघे, जाफर खान, प्रदीप वादाफळे, उत्तमराव खंदारे, शशांक केंढे यांच्यासह काँग्रेसचे अनेक पदाधिकारी व कार्यकर्ते मोठ्या संख्येने उपस्थित होते.
