💥 दिखाऊपणा टाळा, कृतीतून देशभक्ती दाखवा; 🌿 ह. भ. प.राधाकृष्ण महाराजांचे आवाहन

💥 दिखाऊपणा टाळा, कृतीतून देशभक्ती दाखवा; 🌿 ह. भ. प.राधाकृष्ण महाराजांचे आवाहन*
💥🚩 श्रीक्षेत्र देवगड येथील श्री विठ्ठल भक्तीरस महोत्सवाची भक्तीमय वातावरणात सांगता; पर्यावरण रक्षण व गोसेवेचा दिला संदेश🏵️

सारथी महाराष्ट्राचा :- श्री नाथाभाऊ शिंदे पाटील नेवासा तालुका प्रतिनिधी ९८२२५०३३४२

. 💥🚩 नेवासा तालुक्यातील श्री समर्थ सद्गुरू किसनगिरी बाबा यांच्या कृपेने श्रीक्षेत्र देवगड संस्थान येथे आयोजित श्री विठ्ठल भक्तीरस महोत्सव तथा श्रीमद् भागवत कथा व कीर्तन महोत्सवाची अत्यंत भक्तीमय वातावरणात सांगता झाली. यावेळी ह. भ. प.राधाकृष्ण महाराज यांनी उपस्थितांना मार्गदर्शन करताना दिखाऊपणा न करता प्रत्यक्ष कृतीतून देशभक्ती दाखवण्याचे आवाहन केले.
आई-वडिलांची सेवा करा, साधू-संतांचा सन्मान करा, गोसेवा करा, समाजातील दीनदुबळ्या वर्गाची आणि देव, देश व धर्माबाबत आपुलकी बाळगा, असा मौलिक संदेश त्यांनी दिला. आपण देशासाठी काय करतो याचा प्रत्येकाने गांभीर्याने विचार करण्याची गरज आहे. केवळ देशसेवेच्या आणि देशभक्तीच्या गप्पा मारून चालणार नाही, तर त्यासाठी प्रत्यक्ष कृतीतून देशभक्ती दाखवली पाहिजे, असे ह.भ.प. राधाकृष्ण महाराज म्हणाले.
निसर्ग समृद्ध होण्याच्या दृष्टीने प्रत्येकाने किमान एका वृक्षाची लागवड करून त्याचे जतन केले पाहिजे. तसेच प्लास्टिकचा वापर कमीत कमी करावा, असे आवाहन त्यांनी केले. विविध समारंभांमध्ये वाढत चाललेला दिखाऊपणा आणि अनावश्यक खर्च टाळण्याचा सल्लाही त्यांनी दिला. रामायण आणि महाभारतातील दाखले देत त्यांनी भगवान श्रीकृष्णाच्या चरित्राचे सुंदर वर्णन केले.

भगवान दत्तात्रय महाराज आणि सद्गुरु किसनगिरी बाबांच्या चरणी नतमस्तक होत तसेच गुरुवर्य महंत भास्करगिरी महाराज व उपस्थितांचे आभार मानत त्यांनी कथेची सांगता केली.
याप्रसंगी गुरुवर्य भास्करगिरी महाराज यांच्या हस्ते राधाकृष्ण महाराज यांचा विठ्ठल मूर्ती, शाल व श्रीफळ देऊन विशेष सन्मान करण्यात आला. या सोहळ्यास स्वामी प्रकाशानंदगिरी महाराज,ह.भ.प. उद्धव महाराज मंडलिक नेवासेकर, लोकप्रियआमदार विठ्ठलराव लंघे पाटील , जिल्हा सहकारी बँकेचे अध्यक्ष चंद्रशेखर घुले, माजी आमदार पांडुरंग अभंग, उदयन गडाख उपाध्यक्ष मुळा एज्युकेशन सोसायटी सोनई, नेवाशाचे नगराध्यक्ष डॉ. करणसिंह घुले, नारायणानंदगिरी महाराज, लक्ष्मण महाराज, अमित मुंदडा, गणेश कुलकर्णी यांच्यासह धार्मिक, सामाजिक व राजकीय क्षेत्रातील मान्यवर आणि तमाम अहिल्यानगर, संभाजीनगर, जिल्ह्यातून नेवासा शेवगाव गंगापूर श्रीरामपूर राहुरी येथून भाविक मोठ्या संख्येने उपस्थित होते. कार्यक्रमाचे सूत्रसंचालन व आभार प्रदर्शन बजरंग विधाते यांनी केले.💥🚩