प्रतिनिधी :-दरिकांत कोळेकर.
कुरुंदवाड :-भारतासह जगभरात ईद-उल-अजहा म्हणजेच बकरीद सण यंदा 28 मे रोजी हा पवित्र सण साजरा केला जात आहे.सर्वसामान्यपणे लोकांना केवळ मीठी ईद आणि बकरीद या दोनच सणांची माहिती असते, परंतु इस्लाम धर्मात वर्षातून तब्बल तीन प्रकारच्या ईद साजऱ्या केल्या जातात, हे फार कमी जणांना ठाऊक आहे.यंदा 28 मे रोजी देशभरात मुस्लिम बांधव बकरीदचा सण मोठ्या उत्साहात साजरा होत आहे. या सणाच्या निमित्ताने इस्लाममधील एका रंजक तथ्याची चर्चा होत आहे. बहुतांश लोकांना केवळ रमजान ईद आणि बकरी ईद माहीत असते, मात्र इस्लामिक परंपरेनुसार वर्षात तीन वेगवेगळ्या प्रकारे ईद साजरी करण्याची प्रथा आहे, ज्याचे धार्मिक महत्त्व मोठे आहे. जगभरातील मुस्लिम बांधवांचा अत्यंत पवित्र आणि महत्त्वाचा सण ‘ईद-उल-अजहा’ (बकरीद) भारतात हा सण 28 मे रोजी साजरा केला जात आहे, तर सौदी अरेबियासह इतर आखाती देशांमध्ये काल म्हणजेच 27 मे रोजी बकरीद साजरी केली होती.
सामान्यतः लोकांना केवळ दोनच ईद माहीत असतात; पहिली ‘ईद-उल-फित्र’ (रमजान ईद) आणि दुसरी ‘ईद-उल- अजहा’ (बकरी ईद). इस्लाममध्ये या दोन सणांना सर्वोच्च महत्त्व आहे. परंतु, प्रत्यक्षात मुस्लिम धर्मात वर्षातून तीन वेळा ईद साजरी केली जाते आणि या तिसऱ्या ईदचे नाव ‘ईद मिलाद-उन-नबी’ असे आहे. खालीलप्रमाणे या तिन्ही ईदचे महत्त्व आणि त्या कशा साजऱ्या केल्या जातात पहा.
- ईद-उल-फित्र (मीठ रमजान ईद) महत्त्व: हा सण पवित्र रमजान महिन्यातील 30 दिवसांच्या उपवासांची (रोझा) सांगता झाल्यानंतर साजरा केला जातो. हा आनंद आणि कृतज्ञता व्यक्त करण्याचा दिवस असतो. साजरी करण्याची पद्धत: या दिवशी मुस्लिम बांधव सकाळी ईदची विशेष नमाज पठण करतात. घरी शिरखुर्मा आणि शेवया यांसारखे गोड पदार्थ बनवले जातात. एकमेकांना गळाभेट घेऊन ईदच्या शुभेच्छा दिल्या जातात आणि गरिबांना ‘फितरा’ (दान) दिला जातो.
- ईद-उल-अजहा (बकरीद) महत्त्व: हा सण त्यागाच्या आणि बलिदानाच्या स्मरणार्थ साजरा केला जातो. अल्लाहवरील अथांग श्रद्धेचे प्रतीक म्हणून या दिवसाला अनन्यसाधारण महत्त्व आहे. साजरी करण्याची पद्धत: ईदच्या विशेष नमाजनंतर बकऱ्याचा बळी (कुर्बानी) दिला जातो. या कुर्बानीच्या मांसाचे तीन समान भाग केले जातात- एक भाग स्वतःसाठी, दुसरा नातेवाईकांसाठी आणि तिसरा भाग गरीब व गरजू वस्तूंमध्ये वाटला जातो.
- ईद मिलाद-उन-नबी (बारावफात) महत्त्व: ही इस्लाम धर्मातील तिसरी महत्त्वाची ईद आहे. इस्लामचे शेवटचे प्रेषित हजरत मोहम्मद पैगंबर यांच्या जन्मोत्सवाच्या प्रीत्यर्थ हा दिवस साजरा केला जातो. साजरी करण्याची पद्धत: या दिवशी मशिदींमध्ये आणि घरांमध्ये मोहम्मद पैगंबरांच्या जीवनावर आधारित धार्मिक प्रवचने (मिलाद शरीफ) आयोजित केली जातात. अनेक ठिकाणी शांततापूर्ण मिरवणुका (जुलूस) काढल्या जातात, मशिदींना रोषणाई केली जाते आणि गरिबांना अन्नदान केले जाते
बकरी ईद निमित्त मुस्लिम बांधवांनी नवीन कपडे परिधान केले होते. त्यामुळे गुरुवारी शहरात दिवसभर उत्साह व आनंदाचे वातावरण होते. येथील मुस्लिम मोहल्लामध्ये हिरव्या पताका लावून रोषणाई करण्यात आली होती. बकरी ईद सणाचा माहोल शहरात सकाळपासून तयार झाला होता. येथील ईदगाह मैदानावर आज सकाळी शहरातील हजारो मुस्लिम बांधवांनी नमाज पठण केले. यावेळी मौलाना युनूसभाई मुसा मोमीन कुरुंदवाड यांनी ईद-उल-अजहा चे पठण केले व त्यांनी देशाची एकात्मता सुख शांती अबादित राहण्यासाठी प्रार्थना केली.
यावेळी येथील सेंट्रल जमाअत कमिटीचे चेअरमन हाजी इकबालभाई पटवेगार व सचिव अस्लमभाई दस्तगीर जमादार यांनी सर्वांना बकरी ईदच्या शुभेच्छा दिल्या. यावेळी येथील व परिसरातील मुस्लिम बांधव कोतबा व नमाज पठणासाठी मोठ्या संख्येने उपस्थित होते. हा दिवस पैगंबर इब्राहिम यांच्या त्यागाचे स्मरण म्हणून पाळला जातो。बकरी ईदचे कुर्बानी: या दिवशी बकरा, मेंढी किंवा उंट यांची कुर्बानी देण्याची प्रथा आहे。मांस वाटप: कुर्बानीच्या मांसाचे तीन समान भाग केले जातात。एक भाग स्वतःच्या कुटुंबासाठी, दुसरा भाग नातेवाईक आणि मित्रांसाठी, तर तिसरा भाग गोरगरीब आणि गरजूंना वाटला जातो。प्रार्थना: सकाळी लवकर उठून, नवीन कपडे घालून मुस्लिम बांधव मशिदीत किंवा ईदगाह मैदानावर जाऊन विशेष नमाज अदा करतात आणि देशात शांततेसाठी प्रार्थना करतात या सणाबद्दल कुर्बानीचे नियम, नमाजची वेळ सकाळी 8.30 वा.केली जाते.
नमाज पठणानंतर पोलीस ठाण्याच्या वतीने सहाय्यक पोलीस निरीक्षक संतोष माने, पोलीस उपनिरीक्षक जीवन पाटील नितीन साबळे यांनी चोक बंदोबस्त राखत मुस्लिम बांधवांना बकरी ईदच्या शुभेच्छा दिल्या. मुस्लिम बांधवांचा हा सण बकरी ईद (ईद-उल-अजहा )
कृतज्ञता, करुणा आणि ऐक्य या मूल्यांवर आधारित एक सण आहे, जो समाजातील सर्व स्तरांतील मुस्लिमांना त्यांच्या श्रद्धेचा आणि मिळालेल्या आशीर्वादांचा उत्सव साजरा करण्यात येतो.
या नमाज वेळी जमातीचे पाथरवट, इकबाल पटवेगार, अस्लम जमादार, सलीम जमादार, नूर बागवान यासह राज महंमद गरगरे, सईद सांगलीकर, सलीम बागवान,शब्बीर बागवान, अली बागवान जे. एम.आत्तार,शब्बीर भिलवडे, हर्षद बागवान आयुब माणगावे, साहिल गोलंदाज, यासह मुस्लिम माधव मोठ्या संख्येने उपस्थित होते.
