परळी प्रतिनिधी – जयराम फड
परळी वैजनाथ शहरातील मोंढा परिसरात गेल्या अनेक वर्षांपासून नागरिकांच्या सेवेत अविरत कार्यरत असलेले छाया रेस्टॉरंट हे खवय्यांच्या विशेष पसंतीचे ठिकाण बनले आहे. हॉटेल व्यावसायिक श्री किसन बुद्रे यांच्या मार्गदर्शनाखाली सुरू असलेल्या या हॉटेलने आपल्या चविष्ट पदार्थांमुळे पंचक्रोशीत वेगळी ओळख निर्माण केली आहे.
विशेषतः येथे मिळणारी स्पेशल पुरी-भाजी ग्राहकांच्या जिभेवर रेंगाळणारी चव म्हणून प्रसिद्ध आहे. सकाळच्या नाष्ट्यासाठी शहरातील नामवंत डॉक्टर, वकील, पत्रकार तसेच व्यापारी बांधव आवर्जून येथे भेट देताना दिसतात. उत्कृष्ट चव, स्वच्छता आणि ग्राहकांना दिली जाणारी आत्मीय सेवा यामुळे छाया रेस्टॉरंटने परळीकरांच्या मनात आपले खास स्थान निर्माण केले आहे.
ग्राहकांच्या आवडीनिवडी जपत दर्जेदार सेवा देण्याचा प्रयत्न कायम ठेवत असल्याने हॉटेल बुद्रे हे परळी शहरातील खाद्यप्रेमींसाठी विश्वासाचे ठिकाण ठरत आहे.
