खटाव तालुका प्रतिनिधी –
खटाव तालुक्यातील उपकोषागर अधिकारी श्री लक्ष्मण गुलाबराव जाधव यांचा सेवानिवृत्ती निमित्त आयोजित सत्कार समारंभ आज उत्साहात पार पडला. अनेक वर्षे प्रामाणिकपणे शासकीय सेवा बजावल्यानंतर त्यांच्या कार्याचा गौरव यावेळी करण्यात आला.
या कार्यक्रमास तहसीलदार माने मॅडम, वडूज पोलीस ठाण्याचे पीआय घनश्याम सोनवणे, कृषी अधिकारी वाघमोडे साहेब तसेच विविध शासकीय विभागांचे अधिकारी आणि कर्मचारी मोठ्या संख्येने उपस्थित होते.
यावेळी उपस्थित मान्यवरांनी श्री जाधव यांच्या कार्यपद्धती, प्रामाणिक सेवा आणि प्रशासनातील योगदानाचा गौरव करत त्यांना पुढील आयुष्यासाठी शुभेच्छा दिल्या. विविध विभागातील अधिकारी व कर्मचाऱ्यांकडून पुष्पगुच्छ देऊन त्यांचा सत्कार करण्यात आला.
कार्यक्रमात भावनिक वातावरण निर्माण झाले असून सहकाऱ्यांनी त्यांच्या सेवाकाळातील आठवणींना उजाळा दिला.
